Setja þarf skatt­leysis­mörk á lægstu tekju­hópa þjóð­fé­lagsins

Þessa hópa á ekki að setja í fjárhagslegt óöryggi með skattlagningu á lágmarks lífeyri. Sömuleiðis er hægt að tala um öryrkja í samhengi. Yfirleitt eru það manneskjur sem að hafa unnið fyrir sér eða þrá að vinna fyrir sér, en geta það ekki að sökum sjúkdóma sem það hefur fengið. Það óskar sér enginn veikindum í lífinu þau bara gerast af ýmsum ástæðum og það er ekkert til að skammast sín fyrir. Við viljum að skattleysismörk fari í ISK 380.000 á lágtekjufólk, öryrkja og eldri borgara á mánuði. Skoðað verði einnig hvort beita megi skattaívilnunum fyrir fyrirtæki og einstaklinga á efnahagslega veikum svæðum á landsbyggðinni. Barnabætur verði hækkaðar, fæðingarorlof lengt og barnavörur verði án virðisaukaskatts. Hluta námslána verði breytt í styrk. Neðra skattþrep verði lækkað verulega og persónuafsláttur verði hækkaður og útgreiðanlegur. Frítekjumark vegna vinnu verði hækkað.

Fjármögnun og niðurskurður ríkisútgjalda

Hátekjuskattur verði hækkaður á þá tekjuhærri, fjármagnseigendur og stórfyrirtæki sem að eru fjárhagslega stöðug og standa undir sér. Binda þarf krónuna við stöðugan gjaldmiðil til að sveiflur verði ekki eins miklar og hafa verið. Skoða þarf hagstæðasta og raunhæfasta kostinn í stöðunni áður en það verður gert. Peningastefnuna skal endurskoða, raunvextir á Íslandi þurfa að endurspegla breyttan efnahagslegan veruleika. Fækka þarf ráðuneytum, ráðherrum, þingmönnum, embættismönnum og starfsfólki ráðuneyta og nefnda á vegum þess. Hagkvæmni yrði gerð á rekstri með sameiningu ráðuneyta, sveitarfélags- og ríkisstofnana. Þak verður sömuleiðis sett á bónusa, tímakaup verktaka, ívilnanir og starfslokasamninga viðkomandi aðila eða fyrirtækja. Samningar sem gerðir eru við hið opinbera eða ríkisstofnanir með útboði skulu standa. Ef að verkefni fer fram úr áætlun og kostnaði skal viðkomandi aðili, fyrirtæki eða verktaki taka ábyrgð á því en ekki hið opinbera. Að þak verði sett á hæstu laun hjá hinu opinbera s.s. hjá ráðherrum, þingmönnum, embættismönnum og forstjórum ríkisfyrirtækja. Hæstu launin verði ekki hærri en sem nemur 4 földum lægstu launum hins opinbera og að launasamræmi verði sett á fyrir jafna atvinnustöðu milli kynjanna. Lækka þarf kostnað og fríðindi ráðherra, þingmanna, embættismanna og forstjóra á vegum hins opinbera. Við munum leggja áherslu á fækkun og sameiningu sveitarfélaga, fækkun nefnda og starfsfólks á vegum þeirra. Að ríkisstyrkir til stjórnmálaflokka verði afnumdir með öllu. Standa þarf vörð um náttúruauðlindir í landinu. Hagnaður af leigu eða sölu á ríkiseignum fer í þjóðarsjóð til að styrkja atvinnusköpun og uppbyggingu innviða. Fiskveiðikvóti verður boðinn upp til hæstbjóðanda á markaðsvirði og til fleiri aðila yfir landið allt.

Þingmenn og ráðherrar eru snillingar í því að teygja lopann til að koma engu í verk

Fráfarandi ríkisstjórn brann inni með bunka af málum og stjórn­arsátt­mál­inn var brotinn. Að sjá forsætisráðherra vera að réttlæta svikin og getuleysið á Alþingi og í fjölmiðlum er mjög dapurlegt. Það kaldhæðnislega við stjórnarsamstarfið er að forsætisráðherra er vinsælli hjá Sjálfstæðisflokki og Framsóknarflokki, en hjá eiginn flokki. Mörg og sömu mál hafa verið lengi að velkjast um á Alþingi í vikur, mánuði, ár, áratugi og jafnvel frá stofnun lýðveldisins eða fyrr. Það tekur of mikinn tíma frá þjóðinni að láta ekkert gerast. Þingmenn og ráðherrar eru að blaðra of mikið um sama málið, láta gera skýrslur til og frá, skipa stjórnir og nefndir með eða á móti málefnum, án þess að nokkuð gerist. Það er engin framkvæmdagleði á Alþingi nema að þingmenn séu að vinna fyrir eigin hagsmuni eða þrönga viðskiptaelítu þessa lands. Það er stífla hjá flestum stofnunum þjóðfélagsins út af valdi Alþingis og að þingmenn fái að setja fólk úr flokkunum í allar stjórnir þessara stofnanna. Það er undirförult tækifærispot og setur spillingu í kerfið, en engu að síður bláköld staðreynd. Flokkarnir eru tvískinnungar og flestir þingmenn þeirra eru atvinnulygarar sem að hvort tveggja er böl fyrir almenning. Eins og einn lögfræðingur útskýrði í fjölmiðlum sem var að vinna fyrir hið opinbera, þá varð hann alltaf að bíða með erindin sem að komu inn á borð til hans í nokkra mánuði eða jafnvel ekki að svara þeim vegna tilskipan yfirmanna sinna. Það var ekki hægt að vinna þau strax er þau komu inn á borð. Allt eru þetta opinberar stofnanir og starfsfólki þess ber að svara almenningi. Ójöfnuðurinn er orðin svo mikill og ráðamönnum virðist vera alveg skítsama sama um almenning í landinu, nema að sjálfsögðu fyrir kosningar. Þá koma lygar til málamyndunnar sem verður að sjálfsögðu ekki staðið við eftir kosningar. Stjórnsýslan er orðin nánast ósnertanleg hjá opinberum stofnunum. Þetta hlýtur að vera eina lýðræðisríkið í heiminum þar sem að stjórnsýslan og stjórnvöld komast upp með að svindla á almennum þegnum sínum. Nú í vor var almenningur var að greiða prófkjör fyrir val á lista hjá flokkunum sem að sitja á þingi. Veitt var vel á kostnað almennings og veislan heldur áfram þar til að kosningar eru gengnar í garð. Almenningur ræður hvað hann kýs nú í haust.

Loforð fyrir þjóðfélagið sem að svikin voru af ríkisstjórn Katrínar Jakobsdóttur

Ég tala lítið um svikin sem að voru framin fyrir augliti íslendinga, en forsætisráðherra ber ábyrgð á gjörðum allra sinna ráðherra. Loforðum um afnám verðtryggingar ekki framfylgt. Rík­is­stjórn­in stóð ekki við fyr­ir­heit í stefnu­yf­ir­lýs­ingu sinni um skref til af­náms verð­trygg­ing­ar á kjör­tíma­bil­inu. Vísi­tölu til verð­trygg­ing­ar verð­ur held­ur ekki breytt, en verð­bólga hef­ur ekki ver­ið meiri í átta ár. Fimm kosningar frá hruni án breytinga á stjórnarskrá. Eng­in af þeim breyt­ing­um sem að háttvirtur sjálfdýrkandi Katrín Jak­obs­dótt­ir vildi gera á stjórn­ar­skránni náði í gegn, en verk­efn­ið á að halda áfram næsta kjör­tíma­bil. Þing­menn stjórn­ar­flokk­anna og Mið­flokks stöðv­uðu að frum­varp henn­ar færi úr nefnd. Landvernd sagði að Vinstri græn hafa skort þrek og þor til að stofna Hálendisþjóðgarð. Þing­menn Fram­sókn­ar­flokks og Sjálf­stæð­is­flokks beittu sér gegn Há­lend­is­þjóð­garði, þrátt fyr­ir að mál­ið væri í stjórn­arsátt­mála. Land­vernd seg­ir með­ferð rík­is­stjórn­ar­inn­ar hafa skað­að stuðn­ing við mál­ið hjá al­menn­ingi. Endurskoða átti lög um vernd, friðun og veiðar villtra dýra. Þetta komst þó inn í stjórnarsáttmálann, en ekki lengra. Friðun hvala, þá einkum langreyðar, sem engin önnur þjóð í veröldinni leyfir veiðar á.

Í stað friðunar, veitti ríkisstjórn Katrínar Jakobsdóttur umfangmestu hvalveiðileyfi, sem sögur fara af; drepa mátti 2.130 dýr á tímabilinu 2019 til 2023. Mengun vegna raforkuframleiðslu jafnast á við 16 álver. 79% raforku á Íslandi er sögð framleidd með kjarnorku og jarðefnaeldsneyti. Sala hlut í Íslandsbanka fór fram þó að 61,2 pró­sent lands­manna væri neikvæðir gagn­vart því. Ein­ungis 13,5 pró­sent þeirra voru jákvæðir gagn­vart því og 25,2 pró­sent höfðu ekki sér­staka skoðun á því. Átta stórar virkjanir eru í bígerð á Íslandi. Nato hefur verið með æfingar undir ríkisstjórn Vinstri grænna. Félagslegt réttlæti er í molum sem er ekkert nema óréttlæti í garð meginþorra íbúa þessa lands og gróf mannréttindabrot hafa verið framin á sjúklingum, öryrkjum og eldri borgurum. Mannréttindi hafa verið brotin á flóttamönnum. Alþingi heldur almenningi í heljargreipum vegna þess að það er að troða strengjabrúðum og flokkskúkum inn í allar stjórnir ríkisstofnanna. Stofnanirnar eru ekki sjálfstæðar, heldur er þeim stýrt í gegnum flokkspólitíkina á Alþingi. Þingmenn þessara flokka eru uppteknari að kynna sjálfa sig en að standa við gefin loforð. Reyndar eitt það óhugnanlegasta sem að Katrín Jakobsdóttir forsætisráðherra vildi gera á núverandi þingi var að ganga lengra með frumvarp Svandísar Svavarsdóttur heilbrigðisráðherra um þungunarrof og heimila það án tímamarka. Það þýðir hreinlega að myrða ófætt saklaust barn rétt áður en það kemur út í heiminn. Ég efast um að satan sjálfur hefði getað fundið það upp.

Höfundur er listamaður, kvikmyndagerðarmaður og formaður Landsflokksins.