Fær loksins að heita Kona Eiður Þór Árnason skrifar 22. ágúst 2021 15:00 Elín Kona Eddudóttir er sátt við að loks sé samræmi milli skráningar hennar í símaskránni og skrám hins opinbera. Málið var tekið upp aftur eftir að umboðsmaður Alþingis sagði mannanafnanefnd að endurskoða ákvörðun sína. Samsett Mannanafnanefnd samþykkti nýverið kvenkynseiginnafnið Kona og hefur það verið fært á mannanafnaskrá. Áður hafði nafninu verið hafnað með þeim rökum að það bryti í bága við íslenskt málkerfi en farið var fram á endurupptöku. Í maí komst umboðsmaður Alþingis að þeirri niðurstöðu að mannanafnanefnd hafi ekki farið að lögum þegar Elínu Eddudóttur var ekki leyft að taka upp millinafnið Kona. RÚV greindi fyrst frá málinu en Elín sótti fyrst um nafnabreytinguna hjá Þjóðskrá árið 2019. Hún segir í samtali við Vísi að þessi niðurstaða hafi mikla þýðingu fyrir sig. Loks geti hún sett endapunktinn aftan við tveggja ára baráttu fyrir því að fá að velja eigið nafn. Vildi líka heita Kona Tólf dagar eru frá því að Þjóðskrá tilkynnti Elínu að beiðni hennar um nafnabreytingu hafi verið samþykkt. Hún segir að fyrstu viðbrögð sín hafi verið að hafa samband við Kristbjörgu Konu Kristjánsdóttur, sem átti í sömu glímu við mannanafnanefnd nokkrum árum fyrr. „Ég hef oft verið að velta því fyrir mér að taka upp millinafn og svo heyri ég af henni Kristbjörgu sem hefur sótt um þetta tvisvar og fengið neitun, meðal annars á þeim forsendum á það sé niðrandi að heita kona,“ segir Elín og vísar til viðtals sem birtist á Vísi árið 2014. Fimm árum síðar lenti Elín þó á sama vegg og Kristbjörg gerði á sínum tíma. „Mér fannst þetta ótrúlega flott nafn, mig langaði að bera þetta og ég vildi fara með Kristbjörgu í þessa baráttu. Ég sótti um þetta og fékk neitun en þau þorðu nú ekki að segja við mig að þetta væri niðrandi eftir fjölmiðlaumfjöllunina.“ „Að mannanafnanefnd skuli voga sér að segja að það sé niðrandi að heita kona, ég skil ekki alveg af hverju það ætti að vera niðrandi. Þú mátt heita Karl, Drengur og Sveinn en svo fæ ég neitun á þeirri forsendu að Kona vísi í ákveðið kyn á ákveðnum aldri og þess vegna megi það ekki,“ bætir Elín við. „Núna er það þannig að það þarf ekki lengur að miða við kyn þannig að í raun og veru gæti ég strax fengið að heita Karl án þess að það færi fyrir mannanafnanefnd.“ Ætti að vera fullur réttur fólks að heita Sófasett Elín kvartaði undan niðurstöðu nefndarinnar til umboðsmanns Alþingis sem taldi að mannanafnanefnd hafi ekki starfað í samræmi við lög líkt og áður segir. Var henni gert að taka málið upp aftur ef þess væri óskað. Elín furðar sig á því hvað það málið var langan tíma að velkjast um í kerfinu og er afdráttarlaus þegar hún ræðir skoðanir sínar á mannanafnanefnd. Slagurinn hafi gert hana enn staðfastari í því að fyrirbærið eigi að heyra sögunni til. „Þetta er bara eins bjánalegt og það getur verið svo mér líður bara helvíti vel með þessa niðurstöðu. Ég vil bara að þessi mannanafnanefnd verði lögð niður og finnst eðlilegt að fólk megi heita það sem það vill, ég meina Sófasett þess vegna.“ Hátt í 200 konur breyttu nafninu sínu í símaskránni Þegar hún var búin að láta Kristbjörgu vita af langþráðum sigri setti Elín inn tilkynningu á Facebook-hópinn Ég heiti Kona. Eins og nafnið ber með sér má þar finna samansafn fólks sem hefur stutt dyggilega við bakið á Elínu og Kristbjörgu á síðustu árum. „Það var einhver kona sem stofnaði þennan hóp og bauð okkur Kristbjörgu að vera heiðurskonur. Þær ákváðu svo bara upp á sitt einsdæmi að styðja við okkar baráttu með því að taka upp millinafnið Kona í símaskránni. Þetta var alveg magnað.“ Elín segir að 196 meðlimir séu nú í hópnum sem hafi fengið að fylgjast náið með öllum vendingum í málinu. Það ætti því ekki að koma á óvart að það hafi verið glatt á hjalla þegar fregnirnar bárust fyrir tíu dögum. Þökkuðu sumar konur fyrir að geta loks tekið út millinafnið eftir allan þennan tíma og heitið sínu raunverulega nafni. Telur þú að þessi slagur ykkar komi til með að breyta einhverju? „Mér finnst allavega vissu nafnajafnrétti vera náð.“ Um sé að ræða lítið skref í jafnréttisbaráttunni en þegar litlu sigrarnir komi saman skili það sér í auknu jafnrétti. „Ég veit allavega að ein af dætrum mínum er að spá í að breyta nafninu sínu í Konudóttir,“ segir Elín Kona Eddudóttir, skáld, ferðamálafræðingur, og kona; sátt við að loks sé samræmi milli skráningar hennar í símaskránni og skrám hins opinbera. Mannanöfn Tengdar fréttir Sterkar, flottar, sjálfstæðar konur Heita má Karl en ekki Kona. Það hefur Kristbjörg Kona Kristjánsdóttir reynt í tvígang með umsóknum til mannanafnanefndar sem neitaði henni um millinafnið Kona. 20. febrúar 2014 10:00 Mest lesið Stytta þurfi sumarfrí barna um að lágmarki tvær vikur Innlent Leysti út lögmannsréttindin: Fer í sjálfstæðan rekstur en heldur eftirlaununum Innlent Sá blóðugan mann hlaupa út og árásarmanninn á eftir honum Innlent Hafði ritað „Breivik“ og „Drepið Trump“ á skotvopnin Erlent Vinstribeygja inn á Bústaðaveg gæti heyrt sögunni til Innlent Játning á borðinu í umfangsmestu þjófnuðum seinni tíma Innlent Lögreglan vill ná tali af þremur mönnum Innlent Rýnt í stöðuna í Úkraínu: Friður enn fjarlægur og Trump missir móðinn Erlent Þvættuðu milljarða af illa fenginni rafmynt á Íslandi Innlent Mögulega þúsundir glæpamanna nýtt þjónustuna: „Ísland er misnotað í svona málum“ Innlent Fleiri fréttir Stefnir Hödd vegna ásökunar um nauðgun Rektor rýfur þögnina eftir mótmælin á Þjóðminjasafninu Lögreglan vill ná tali af þremur mönnum Ragna og Rögnvaldur ráðin aðstoðarrektorar Gefur ekkert upp um breytta forgangsröðun jarðgangna Vinstribeygja inn á Bústaðaveg gæti heyrt sögunni til „Augljóst að bæst hefur við íbúa“ Mögulega þúsundir glæpamanna nýtt þjónustuna: „Ísland er misnotað í svona málum“ Alþjóðlegt peningaþvætti á Íslandi, hitakosningar og í beinni frá EM Stytta þurfi sumarfrí barna um að lágmarki tvær vikur Sá blóðugan mann hlaupa út og árásarmanninn á eftir honum Boðar fyrstu samgönguáætlunina í fimm ár á haustþingi Bein útsending: Innviðaþing 2025 - Sterkir innviðir – sterkt samfélag Leysti út lögmannsréttindin: Fer í sjálfstæðan rekstur en heldur eftirlaununum Komu göngumanni til bjargar við Lakagíga Þvættuðu milljarða af illa fenginni rafmynt á Íslandi Játning á borðinu í umfangsmestu þjófnuðum seinni tíma Innbrot og menn til ama á útivistarsvæði Sé hægt að gera byltingu í íslensku heilbrigðiskerfi Skólamál í Kópavogi: Bókun eftir bókun á fundi bæjarstjórnar Hafna „órökstuddum fullyrðingum“ Sigurðar Inga Þyrlan kölluð út vegna slasaðs manns í Gemludal Menningarráðherra skipaði son heilbrigðisráðherra í formannsstörf Vara við svikapóstum í þeirra nafni Bylting framundan en Landspítalinn þurfi að hlaupa hraðar Faðir plokksins kenndi ráðherra að plokka Gátu ekki opnað hraðbankann þrátt fyrir ítrekaðar tilraunir Kári Stefánsson í beinni, erfiður hraðbanki og Dönum ekki skemmt Óttuðust um ferðamenn sem sátu fastir í Markarfljóti Glímdi við veikindi fyrir andlátið sem breyttu persónuleika hans Sjá meira
Í maí komst umboðsmaður Alþingis að þeirri niðurstöðu að mannanafnanefnd hafi ekki farið að lögum þegar Elínu Eddudóttur var ekki leyft að taka upp millinafnið Kona. RÚV greindi fyrst frá málinu en Elín sótti fyrst um nafnabreytinguna hjá Þjóðskrá árið 2019. Hún segir í samtali við Vísi að þessi niðurstaða hafi mikla þýðingu fyrir sig. Loks geti hún sett endapunktinn aftan við tveggja ára baráttu fyrir því að fá að velja eigið nafn. Vildi líka heita Kona Tólf dagar eru frá því að Þjóðskrá tilkynnti Elínu að beiðni hennar um nafnabreytingu hafi verið samþykkt. Hún segir að fyrstu viðbrögð sín hafi verið að hafa samband við Kristbjörgu Konu Kristjánsdóttur, sem átti í sömu glímu við mannanafnanefnd nokkrum árum fyrr. „Ég hef oft verið að velta því fyrir mér að taka upp millinafn og svo heyri ég af henni Kristbjörgu sem hefur sótt um þetta tvisvar og fengið neitun, meðal annars á þeim forsendum á það sé niðrandi að heita kona,“ segir Elín og vísar til viðtals sem birtist á Vísi árið 2014. Fimm árum síðar lenti Elín þó á sama vegg og Kristbjörg gerði á sínum tíma. „Mér fannst þetta ótrúlega flott nafn, mig langaði að bera þetta og ég vildi fara með Kristbjörgu í þessa baráttu. Ég sótti um þetta og fékk neitun en þau þorðu nú ekki að segja við mig að þetta væri niðrandi eftir fjölmiðlaumfjöllunina.“ „Að mannanafnanefnd skuli voga sér að segja að það sé niðrandi að heita kona, ég skil ekki alveg af hverju það ætti að vera niðrandi. Þú mátt heita Karl, Drengur og Sveinn en svo fæ ég neitun á þeirri forsendu að Kona vísi í ákveðið kyn á ákveðnum aldri og þess vegna megi það ekki,“ bætir Elín við. „Núna er það þannig að það þarf ekki lengur að miða við kyn þannig að í raun og veru gæti ég strax fengið að heita Karl án þess að það færi fyrir mannanafnanefnd.“ Ætti að vera fullur réttur fólks að heita Sófasett Elín kvartaði undan niðurstöðu nefndarinnar til umboðsmanns Alþingis sem taldi að mannanafnanefnd hafi ekki starfað í samræmi við lög líkt og áður segir. Var henni gert að taka málið upp aftur ef þess væri óskað. Elín furðar sig á því hvað það málið var langan tíma að velkjast um í kerfinu og er afdráttarlaus þegar hún ræðir skoðanir sínar á mannanafnanefnd. Slagurinn hafi gert hana enn staðfastari í því að fyrirbærið eigi að heyra sögunni til. „Þetta er bara eins bjánalegt og það getur verið svo mér líður bara helvíti vel með þessa niðurstöðu. Ég vil bara að þessi mannanafnanefnd verði lögð niður og finnst eðlilegt að fólk megi heita það sem það vill, ég meina Sófasett þess vegna.“ Hátt í 200 konur breyttu nafninu sínu í símaskránni Þegar hún var búin að láta Kristbjörgu vita af langþráðum sigri setti Elín inn tilkynningu á Facebook-hópinn Ég heiti Kona. Eins og nafnið ber með sér má þar finna samansafn fólks sem hefur stutt dyggilega við bakið á Elínu og Kristbjörgu á síðustu árum. „Það var einhver kona sem stofnaði þennan hóp og bauð okkur Kristbjörgu að vera heiðurskonur. Þær ákváðu svo bara upp á sitt einsdæmi að styðja við okkar baráttu með því að taka upp millinafnið Kona í símaskránni. Þetta var alveg magnað.“ Elín segir að 196 meðlimir séu nú í hópnum sem hafi fengið að fylgjast náið með öllum vendingum í málinu. Það ætti því ekki að koma á óvart að það hafi verið glatt á hjalla þegar fregnirnar bárust fyrir tíu dögum. Þökkuðu sumar konur fyrir að geta loks tekið út millinafnið eftir allan þennan tíma og heitið sínu raunverulega nafni. Telur þú að þessi slagur ykkar komi til með að breyta einhverju? „Mér finnst allavega vissu nafnajafnrétti vera náð.“ Um sé að ræða lítið skref í jafnréttisbaráttunni en þegar litlu sigrarnir komi saman skili það sér í auknu jafnrétti. „Ég veit allavega að ein af dætrum mínum er að spá í að breyta nafninu sínu í Konudóttir,“ segir Elín Kona Eddudóttir, skáld, ferðamálafræðingur, og kona; sátt við að loks sé samræmi milli skráningar hennar í símaskránni og skrám hins opinbera.
Mannanöfn Tengdar fréttir Sterkar, flottar, sjálfstæðar konur Heita má Karl en ekki Kona. Það hefur Kristbjörg Kona Kristjánsdóttir reynt í tvígang með umsóknum til mannanafnanefndar sem neitaði henni um millinafnið Kona. 20. febrúar 2014 10:00 Mest lesið Stytta þurfi sumarfrí barna um að lágmarki tvær vikur Innlent Leysti út lögmannsréttindin: Fer í sjálfstæðan rekstur en heldur eftirlaununum Innlent Sá blóðugan mann hlaupa út og árásarmanninn á eftir honum Innlent Hafði ritað „Breivik“ og „Drepið Trump“ á skotvopnin Erlent Vinstribeygja inn á Bústaðaveg gæti heyrt sögunni til Innlent Játning á borðinu í umfangsmestu þjófnuðum seinni tíma Innlent Lögreglan vill ná tali af þremur mönnum Innlent Rýnt í stöðuna í Úkraínu: Friður enn fjarlægur og Trump missir móðinn Erlent Þvættuðu milljarða af illa fenginni rafmynt á Íslandi Innlent Mögulega þúsundir glæpamanna nýtt þjónustuna: „Ísland er misnotað í svona málum“ Innlent Fleiri fréttir Stefnir Hödd vegna ásökunar um nauðgun Rektor rýfur þögnina eftir mótmælin á Þjóðminjasafninu Lögreglan vill ná tali af þremur mönnum Ragna og Rögnvaldur ráðin aðstoðarrektorar Gefur ekkert upp um breytta forgangsröðun jarðgangna Vinstribeygja inn á Bústaðaveg gæti heyrt sögunni til „Augljóst að bæst hefur við íbúa“ Mögulega þúsundir glæpamanna nýtt þjónustuna: „Ísland er misnotað í svona málum“ Alþjóðlegt peningaþvætti á Íslandi, hitakosningar og í beinni frá EM Stytta þurfi sumarfrí barna um að lágmarki tvær vikur Sá blóðugan mann hlaupa út og árásarmanninn á eftir honum Boðar fyrstu samgönguáætlunina í fimm ár á haustþingi Bein útsending: Innviðaþing 2025 - Sterkir innviðir – sterkt samfélag Leysti út lögmannsréttindin: Fer í sjálfstæðan rekstur en heldur eftirlaununum Komu göngumanni til bjargar við Lakagíga Þvættuðu milljarða af illa fenginni rafmynt á Íslandi Játning á borðinu í umfangsmestu þjófnuðum seinni tíma Innbrot og menn til ama á útivistarsvæði Sé hægt að gera byltingu í íslensku heilbrigðiskerfi Skólamál í Kópavogi: Bókun eftir bókun á fundi bæjarstjórnar Hafna „órökstuddum fullyrðingum“ Sigurðar Inga Þyrlan kölluð út vegna slasaðs manns í Gemludal Menningarráðherra skipaði son heilbrigðisráðherra í formannsstörf Vara við svikapóstum í þeirra nafni Bylting framundan en Landspítalinn þurfi að hlaupa hraðar Faðir plokksins kenndi ráðherra að plokka Gátu ekki opnað hraðbankann þrátt fyrir ítrekaðar tilraunir Kári Stefánsson í beinni, erfiður hraðbanki og Dönum ekki skemmt Óttuðust um ferðamenn sem sátu fastir í Markarfljóti Glímdi við veikindi fyrir andlátið sem breyttu persónuleika hans Sjá meira
Sterkar, flottar, sjálfstæðar konur Heita má Karl en ekki Kona. Það hefur Kristbjörg Kona Kristjánsdóttir reynt í tvígang með umsóknum til mannanafnanefndar sem neitaði henni um millinafnið Kona. 20. febrúar 2014 10:00