Barn Eminem kemur út sem kynsegin

Hið 19 ára gamla Stevie Laine kom út fyrir fylgjendum sínum á TikTok á dögunum. Þar deildi hán myndbandi þar sem hán sýndi ferlið frá því hán kallaði sig Whitney og notaðist við fornafnið hún, tók svo upp fornafnið hán, breytti loks nafni sínu og kveðst nú notast við öll fornöfn.

Við myndskeiðið skrifar hán að hán muni vaxa og breytast alla ævi og kveðst vera sátt með sjálft sig. Þá notar Stevie myllumerki yfir kynsegin og tvíkynhneigð.

Stevie er yngsta barn rapparans. Líffræðileg móðir Stevie er fyrrverandi eiginkona Eminems, Kim Scott. Rapparinn á þrjú börn og þar af eru tvö ættleidd.