Viðskipti innlent

Velta er­lendra korta hátt í tvö­faldaðist milli mánaða

Eiður Þór Árnason skrifar
Mikil aukning hefur verið í fjölda erlendra ferðamanna á þessu ári.
Mikil aukning hefur verið í fjölda erlendra ferðamanna á þessu ári. Vísir/Vilhelm

Heildarvelta erlendra greiðslukorta á Íslandi nam 23,7 milljörðum króna í júlí. Það er 14 milljarða hækkun frá sama mánuði í fyrra eða sem nemur 144 prósent aukningu. Jókst erlend velta um 11 milljarða á milli júní og júlí 2021 eða um 87 prósent.

Heildarvelta innlendra greiðslukorta nam 101,9 milljörðum króna í júlí sem jafngildir 4,3 prósent hækkun frá fyrra ári. Veltan skiptist þannig að velta debetkorta nam 49,6 milljörðum króna og velta kreditkorta nam 52,3 milljörðum króna. Meðalvelta á dag var 3,28 milljarðar króna sem jafngildir hækkun um 0,9 prósent frá fyrri mánuði.

Þetta kemur fram í nýjum tölum Seðlabanka Íslands sem eru byggðar á upplýsingum frá íslenskum færsluhirðum og kortaútgefendum.

Velta innlendra greiðslukorta í verslunum nam 85,6 milljörðum króna innanlands í júlí 2021. Það er hækkun um 4,3 milljarða milli ára. Velta innlendra greiðslukorta í verslunum erlendis nam 13,8 milljörðum króna. Það er hækkun um 2,2 milljarða króna milli mánaða og 5,2 milljarða frá hærri velta um 5,2 milljarða króna frá fyrra ári.

Ferðamennska á Íslandi Greiðslumiðlun Seðlabankinn Efnahagsmál


Mest lesið


Fleiri fréttir

Sjá meira


×

Mest lesið