Bílar

Umferðaraukning á Hringveginum en samdráttur á höfuðborgarsvæðinu

Kristinn Ásgeir Gylfason skrifar
Mikil umferð hefur verið á og í gegnum Selfoss í sumar.
Mikil umferð hefur verið á og í gegnum Selfoss í sumar.

Umferð á höfuðborgarsvæðinu dróst saman um rúmlega þrjú prósent í júlí á meðan umferð á Hringveginum hefur aldrei verið meiri í júlí. Þetta kemur fram á vef Vegagerðarinnar. Af þessum tölum má álykta að íbúar höfuðborgarsvæðisins hafi flykkst út á Hringveginn í júlí.

Umferðin á höfuðborgarsvæðinu í júlí hefur ekki verið minni en nú, síðan í júlí 2016. Íbúar höfuðborgarsvæðisins virðast þó ekki hafa farið um Ártúnsbrekkuna á leið sinni út úr bænum, því umferð þar dróst saman um 7,3%.

Hlutfallslegur mismunur á lykilteljara á Hringvegi á milli áranna 2020 og 2021.

Þá kemur einnig fram á vef Vegagerðarinnar að frá áramótum hefur umferð aukist um 6,4% miðað við sama árstíma í fyrra. Þrátt fyrir þessa aukningu er heildarumferð samt rúmlega 3% minni en hún var á sama árstíma 2019. Viðspyrnunni eftir kórónaveirufaraldurinn er því líklega ekki lokið.

Horfur út árið

Spá Vegagerðarinnar gerir ráð fyrir um 8,5% aukningu á umferð um höfuðborgarsvæðið miðað við árið í fyrra. Ef það gengur eftir verður umferðin enn 2,5% minni en árið 2019.

Hlutfallslegur mismunur á summu meðalumferðar á sólarhring eftir mánuðum, þriggja mælisniða á höfuðborgarsvæðinu á milli áranna 2020 og 2021.
Umferð

Mest lesið


Fleiri fréttir

Sjá meira


×

Mest lesið