119 greindust smitaðir í gær

Þetta kemur fram í uppfærðum tölum á covid.is. Þrír greindust smitaðir við landamærin í gær.

Af þeim sem greindust í gær greindust 114 við einkennasýnatöku og fimm í sóttkvíar- og handahófsskimun. 44 voru í sóttkví við greiningu og 75 utan sóttkvíar.

Sem stendur eru 1.453 í einangrun smitaðir af Covid-19. 21 er á sjúkrahúsi. 

2.333 eru í sóttkví og 1.152 í skimunarsóttkví.

Fjórtán daga nýgengi á 100.000 íbúa er nú 427,9 innanlands. Ísland er því eldrautt á litakorti Sóttvarnarstofnunar Evrópu.

Alls voru tekin 4,491 sýni í gær. Þar af voru 465 sýni tekin á landamærunum.

Fréttin hefur verið uppfærð.