Út­víkka neyðar­ráð­stafanir í Tókýó

Þrátt fyrir bann við áfengissölu á matsölustöðum og Karaoke stöðum og kröfum um að fólk vinni sem mest heiman frá sér, hefur tilfellum fjölgað í Tókýó þar sem fólk er orðið þreytt á sóttvarnatakmörkunum og brýtur reglurnar í vaxandi mæli. 

Hertari reglur hafa gilt í Tókýó vegna ólympíuleikanna en frá og með mánudegi munu þær einnig gilda í nálægum héruðum og á Osaka. 

Tilkynnt var um rúmlega 3.800 smitaða í Tokyo á fimmtudag sem er tvöföldun frá því í síðustu viku og búast embættismenn við að þeim fjölgi enn frekar á næstu tveimur vikum. Hertari reglur munu gilda út ágústmánuð.