Innlent

Tilkynnti rangan sigurvegara í Morfís: „Mér líður ömurlega“

Óttar Kolbeinsson Proppé skrifar 17. júní 2021 13:27

Mistökin eru skiljanleg en einstaklega óheppileg. — Mistökin eru skiljanleg en einstaklega óheppileg. youtube/morfís

Bæði keppnislið á úrslitakvöldi MORFÍS í gær komust í sigurvímu og bæði upplifðu hræðilega vonbrigðatilfinningu þess sem tapar í úrslitakeppni. Sigurgleði Flensborgarskólans entist þó skemur en Verslunarskólans því oddadómari keppninnar tilkynnti þar ranglega að Flensborg hefði unnið áður en hann leiðrétti sig nokkru síðar.

Flensborgarskóli fagnaði því ákaft í um hálfa mínútu áður en dómarinn steig aftur í pontu og leiðrétti sig. Það var Versló sem vann – ekki Flensborg.

Afar mjótt var á munum í keppninni, raunar lygilega mjótt því aðeins munaði 22 stigum á liðunum af 4.704 heildarstigum og var Flensborgarskólinn með fleiri stig en Versló. Það réð þó úrslitum að þrír dómarar af fimm dæmdu Versló sigur, þó skólinn fengi færri stig í heildina þegar stig allra dómara voru lögð saman.

Mistök oddadómarans Ingvars Þóroddssonar verða því að teljast skiljanleg þó þau hafi verið óheppileg í meira lagi.

Afsakið, afsakið, afsakið

„Sigurvegari Morfís 2021 er… Flensborgarskólinn!“ tilkynnti Ingvar og brutust þá út gríðarleg fagnaðarlæti Flensborgar megin í salnum með gleðiópum og konfettísprengju. Fagnaðarlætin entust í um hálfa mínútu áður en heyrðist aftur í oddadómaranum í pontunni:

„Nei, afsakið, afsakið, afsakið. Ég verð að fá þögn í salinn. Ég verð að fá þögn í salinn,“ sagði Ingvar og tókst loks að róa áhorfendur.

„Ég biðst innilegrar afsökunar á þessu. Mér þykir þetta ótrúlega leitt, mér líður ömurlega. Það lið sem var með fleiri dómara með sér og vann þar af leiðandi keppnina er Verslunarskólinn,“ tilkynnti hann hálflúpulegur og steig svo af sviðinu.

Við tóku þá fagnaðarlæti Verslinga, sem voru enginn eftirbátur Flensborgarnema. Þar var borðum velt um koll og tók einn stuðningsmaður liðsins sig til og hvatti samnemendur sína til að fagna sigrinum almennilega það kvöldið: „Allir að fokking djamma!

Umræðuefni keppninnar var „Ísland er spillt land“ og mælti Flensborgarskólinn með fullyrðingunni en Verslunarskólinn á móti.

Skóla- og menntamál Framhaldsskólar Morfís

Mest lesið

Ástand á stúdentagörðum: Ítrekuð innbrot, mat stolið, dýnur í kjallara og hland á gólfi

Innlent

Lögregla hafi hlaupið á sig á Siglufirði: „Þetta eru einstök prúðmenni“

Innlent

„Mér hefur aldrei verið sýnd jafn mikil vanvirðing“

Innlent

„Það kemur að því að við lendum í veseni“

Innlent

Yfirgefið hreysi víkur fyrir hundrað íbúðum

Innlent

„Geta verið dauðsföll, þú veist ekkert hvað er í þessu“

Innlent

Konan er fundin

Innlent

Fólk deili lyfseðlum og „míkródósi“: „Við getum ekki réttlætt þá meðferð“

Innlent

„Selir“ skutu óvopnaða borgara í leyniaðgerð í Norður-Kóreu

Erlent

Hefur sætt umsáturseinelti í 14 ár: „Þetta hefur bara rústað lífi mínu“

Innlent

Fleiri fréttir

Skoða að efla geðheilbrigðisþjónustu á Austurlandi eftir röð áfalla

Kjölur ekki á dagskrá

Lögregla kölluð til eftir að bremsuvírar voru klipptir á reiðhjólum barna

Hleypur 110 kílómetra á dag til að setja heimsmet

Fólk deili lyfseðlum og „míkródósi“: „Við getum ekki réttlætt þá meðferð“

Deila lyfseðlum fyrir þyngdarstjórnunarlyf og undankeppni HM hefst

Starfsfólk Alcoa vilji setja fyrirtækinu mörk

Lögregla hafi hlaupið á sig á Siglufirði: „Þetta eru einstök prúðmenni“

Ætla að rannsaka meint undirboð á kísilmálmi

„Mér hefur aldrei verið sýnd jafn mikil vanvirðing“

Hélt eiginkonu og fimm börnum í heljargreipum

Breyta Korpuskóla til að anna eftirspurn í Klettaskóla

Vegabætur á Vestfjörðum opni tækifæri í vetrarferðamennsku

Vilja aðgerðir strax

Ástand á stúdentagörðum: Ítrekuð innbrot, mat stolið, dýnur í kjallara og hland á gólfi

„Geta verið dauðsföll, þú veist ekkert hvað er í þessu“

Öllum börnum undir sex mánaða boðin forvörn gegn RS veiru

Vildu fá að vita hvort ríkisstyrkir hefðu farið í málsóknir gegn orkuframkvæmdum

Vara við ólöglegum megrunarlyfjum sem eru í umferð

Konan er fundin

Sextán ára kveikti í herbergi sínu

Þremur sleppt úr haldi og brotaþoli útskrifaður

„Það kemur að því að við lendum í veseni“

Ekki hægt að þaga þegar stjórnmálamenn leika sér að því að særa fram tröllin

252,6 milljónir runnið í ríkissjóð úr dánarbúum án lögerfingja á tíu árum

Þrjú söfn í eina sæng

Yfirgefið hreysi víkur fyrir hundrað íbúðum

Líkamsárás á gistiheimili

„Ekkert óeðlilegt við það að endurskoða þetta kerfi“

Tveir á sjúkrahús eftir harðan árekstur

Sjá meira

Mest lesið

Ástand á stúdentagörðum: Ítrekuð innbrot, mat stolið, dýnur í kjallara og hland á gólfi

Innlent

Lögregla hafi hlaupið á sig á Siglufirði: „Þetta eru einstök prúðmenni“

Innlent

„Mér hefur aldrei verið sýnd jafn mikil vanvirðing“

Innlent

„Það kemur að því að við lendum í veseni“

Innlent

Yfirgefið hreysi víkur fyrir hundrað íbúðum

Innlent

„Geta verið dauðsföll, þú veist ekkert hvað er í þessu“

Innlent

Konan er fundin

Innlent

Fólk deili lyfseðlum og „míkródósi“: „Við getum ekki réttlætt þá meðferð“

Innlent

„Selir“ skutu óvopnaða borgara í leyniaðgerð í Norður-Kóreu

Erlent

Hefur sætt umsáturseinelti í 14 ár: „Þetta hefur bara rústað lífi mínu“

Innlent