Það tók Dortmund aðeins fimm mínútur að komast yfir en þar var að verki Jadon Sancho eftir sendingu Mahmoud Dahoud. Þegar tæpur hálftími var liðinn skoraði Erling Braut Håland eftir sendingu Marco Reus.
Sancho kom Dortmund í 3-0 í uppbótartíma fyrri hálfleiks, aftur var það Reus sem lagði upp markið.
Staðan 3-0 í hálfleik og leikurinn svo gott sem búinn. Daniel Olmo klóraði í bakkann á 71. mínútu en skömmu fyrir leikslok skoraði Håland fjórða mark Dortmund en að þessu sinni var það Sancho sem var með stoðsendinguna.
DER POTT GEHT IN DEN POTT! pic.twitter.com/DAiHQBKAQd
— Borussia Dortmund (@BVB) May 13, 2021
Lokatölur 4-1 og Borussia Dortmund því þýskur bikarmeistari árið 2021.
