Fótbolti

Fors­berg skaut Leipzig í bikar­úr­slit á ögur­stundu

Runólfur Trausti Þórhallsson skrifar
Leikmenn Leipzig fagna sigurmarkinu og sæti í bikarúrslitum.
Leikmenn Leipzig fagna sigurmarkinu og sæti í bikarúrslitum. EPA-EFE/FOCKE STRANGMANN

Emil Forsberg tryggði RB Leipzig sæti í bikarúrslitum í Þýskalandi með marki í uppbótartíma framlengingar er liðið vann 2-1 sigur á Werder Bremen.

Leikur kvöldsins var frekar óspennandi í venjulegum leiktíma enda staðan að honum loknum markalaus. Hee-Chan Hwang kom Leipzig yfir í upphafi framlengingar en Leonardo Bittencourt jafnaði metin fyrir Bremen undir lok fyrri hálfleiks framlengingar.

Staðan 1-1 og stefndi í vítaspyrnu þangað til Forsberg steig upp þegar 121 mínúta var komin á klukkuna. Hwang með stoðsendinguna og segja má að hann hafi verið hetja Leipzig ásamt Forsberg í kvöld.

Borussia Dortmund og Holstein Kiel mætast í hinum undanúrslitaleiknum á morgun.

Fótbolti Þýski boltinn

Mest lesið


Fleiri fréttir

Sjá meira


×

Mest lesið