Erlent

150 milljónir smitast af Covid-19 á heimsvísu

Gunnar Reynir Valþórsson skrifar
Ástandið er einna verst á Indlandi, þar sem faraldurinn hefur knésett heilbrigðiskerfið.
Ástandið er einna verst á Indlandi, þar sem faraldurinn hefur knésett heilbrigðiskerfið. epa/Idrees Mohammed

Rúmlega hundrað og fimmtíu milljónir manna á heimsvísu hafa nú smitast af kórónuveirunni ef marka má samantekt AFP fréttastofunnar en sömu sögu er að segja ef litið er á teljara Johns Hopkins háskólans sem frá upphafi faraldursins hefur haldið utan um tölur um smitaða.

Smitum hefur fjölgað mikið síðustu vikur sem aðallega skýrist af miklum uppgangi faraldursins á Indlandi. 

Tölur yfir dagleg smit á heimsvísu eru nú tvöfalt fleiri en í febrúar. 

Eftir aðra bylgju faraldursins, frá október og fram í janúar fór smitum að fækka og voru um tíma um 350 þúsund á degi hverjum. Nú smitast hinsvegar rúmlega 800 þúsund daglega. 

Síðustu sjö dagana hafa 2,5 milljónir manna greinst á Indlandi. 

Enn hafa flestir greinst smitaðir í Bandaríkjunum en Indland kemur þar á eftir og síðan Brasilía. Ef hinsvegar er litið til höfðatölu hafa flestir smitast í Svartfjallalandi, Tékklandi og Slóveníu.

Faraldur kórónuveiru (COVID-19)

Mest lesið


Fleiri fréttir

Sjá meira


×

Mest lesið