Flugeldasýning hjá KR en Dusty enn á toppnum Snorri Rafn Hallsson skrifar 16. apríl 2021 23:51 Vodafone deildin rafíþróttir Sýnt var frá þremur leikjum í 8. umferð Vodafonedeildarinnar í CS:GO í kvöld á Stöð 2 eSport. Dusty styrkti stöðu sína á toppnum með öruggum sigri á XY, en KR kemur þar fast á hælana eftir stórleik Miðgarðsorms gegn andstæðingunum í Tindastóli. Sýnt var frá þremur leikjum í 8. umferð Vodafonedeildarinnar í CS:GO í kvöld á Stöð 2 eSport. Dusty styrkti stöðu sína á toppnum með öruggum sigri á XY, en KR kemur þar fast á hælana eftir stórleik Miðgarðsorms gegn andstæðingunum í Tindastóli. Leikmenn Þórs höfðu betur gegn Hafinu og gera sig líklega til að blanda sér í báráttuna um sæti á Stórmeistaramótinu. Til gamans má geta að allir leikir umferðarinnar fóru eins, eða svipað og þegar sömu lið mættust í fyrstu umferðinni. Tindastóll - KR Í fyrsta leik kvöldsins tók Tindastóll á móti stórliði KR á Overpass kortinu. Leikstjórnandi Tindastóll, M0rals leikur ekki lengur með liðinu en í hans stað er kominn TripleG sem áður lék fyrir Aurora. Leikurinn fór vel af stað fyrir Tindastól en hægt og bítandi tókst KR að tryggja sér góða stöðu og hafa betur. Í upphafi leiks gaf Tindastóll engin færi á sér í sókninni (terrorist) og náðu fjögurra lotu forskoti með góðum opnunum og hröðum leik. Leikmenn KR tóku þá leikhlé og komu Ofvirkum á vappann en hann var felldur áður en hann náði að hleypa af skoti. Það gerði þó ekkert til því leikstjórnandinn Miðgarðsormur sá um sína með stórkostlegum ás þar sem hann felldi alla leikmenn Tindastóls hvern á fætur öðrum. Liðin skiptust svo á lotum en eftir vandræðalegt klúður hjá Tindastóli snerist leikurinn KR-ingum í vil. Þeir breyttu um taktík og náðu að skapa færi sem kom þeim yfir þegar farið var inn í síðari hálfleik. Ofvirkur og Capping voru lengi að koma sér á blað en aðrir leikmenn liðsins voru aftur á móti afar duglegir í að sækja sér 2 eða 3 fellur í hverri einustu lotu. Staða í hálfleik: Tindastóll 7 - 8 KR Tindastólsmenn mættu tilbúnir til að berjast í síðara hálfleik, tókst að lokka KR-inga í gildrur og komast yfir en KR-ingum tókst að ná stjórn á leiknum og toga Tindastól út fyrir þægindaramman. Þeir áttu erfitt með að bregðast við aðstæðum og gera nauðsynlegar breytingar á sinni spilun, svo KR komst upp á lagið með að opna hratt og örugglega, ná nokkrum fellum og spila vel úr stöðunni. Þannig náðu þeir 6 lotum í röð og stungu Tindastól af undir lokin. Enginn vafi er á Miðgarðsormur hélt uppi leik KR þar sem hann rauf 30 fellu múrinn auðveldlega og í lok leiks stóð hann uppi með 36 fellur og 2,47 í K/D. Tindastólsmeginn stóð J0n upp úr með 28 fellur en lítið fór fyrir nýjum leikstjórnanda liðsins, TripleG í síðari hálfleik þrátt fyrir góða byrjun. KR er enn í öðru sæti deildarinnar eftir sigurinn og tekur á móti Fylki í næstu viku, en þrátt fyrir breytingar á liðinu er Tindastóll í næst neðsta sætinu og á erfiðan leik fyrir höndum þegar liðið leikur gegn toppliði Dusty í næstu viku. Lokastaða: Tindastóll 11 - KR 16 Hafið - Þór Lið Hafsins og Þórs hafa mikið barist fyrir miðju Vodafonedeildarinnar á þessu tímabili og annar leikurinn kvöldsins því mikilvægur fyrir bæði lið. Liðin skiptust á að eiga góða spretti en að lokum lagði Þór Hafið á útivelli á Dust 2 kortinu. Þór blandar sér því í baráttuna um fjórða sætið, en það tryggir þáttökurétt í Stórmeistaramótinu. Þórsarar sóttu á fullum krafti í upphafi leiks og náðu að taka út leikmenns Hafsins án þess að verða fyrir miklum skaða. Útlitið var því gott í byrjun, en Hafinu tókst að snúa leiknum sér í hag með glæsilegu samspili Clvr og Instant sem hélt fjárhagi Þórs í skefjum. Hafið tók 5 lotur í röð og komst í stöðuna 5-3 en það háði þeim að einn besti leikmaður liðsins, 7homsen, komst aldrei á skrið. Oftar en ekki tók hann glæfraleg hlaup án nokkurs stuðnings og var því auðveld bráð fyrir andstæðinginn. Ljóst er að eitthvað vantaði upp á heildarskipulag og samskipti í liði Hafsins. Þórsmegin létu Dom og ADHD finna fyrir sér sem bjó til glufur í leik Hafsins sem Þórsmenn gátu nýtt sér. Staða í hálfleik: Hafið 6 - 9 Þór Þórsurum tókst trekk í trekk að valda miklum skaða á meðan Hafið baslaði við að reyna að gera sér mat úr þeim fáu tækifærum sem þeir fengu. ADHD og DOM léku á als oddi og áttu báðir stórleik með margar fellur í hverri lotu. Ekkert fékk þá stöðvað og var það Rean sem náði að klemma sigurinn í tuttugustu og fimmtu lotu. Eftir heljarinnar sprengjuregn og góða vörn hjá Hundza tókst Rean að fella hann og 7homsen við lága heilsu og aftengja sprengjuna sem sigldi leiknum í höfn. Þór er á góðu róli í deildinni með 6 stig í 5. sæti á eftir Fylki sem er með 8 stig, en í næstu umferð leikur Þór gegn XY og verður spennandi að sjá hvernig sú viðureign fer. Hafið er í 6.-7. sæti ásamt Tindastóli og mætir botnliði Aurora á mánudaginn næsta. Varamaðurinn Instant átti góðan leik og það er spurning hvort hann sé sá ferski blær sem liðið þarf nauðsynlega á að halda ætli þeir sér eitthvað meira en að standa í botnbaráttu. Lokastaða: Hafið 9 - Þór 16 XY - Dusty Í þriðju og síðustu viðureign kvöldsins tókust XY og Dusty á í NUKE. XY náði góðu forskoti í upphaf leiks og með feiknargóðu skipulagi lögðu þeir heldur tilþrifalaust lið XY nokkuð auðveldlega. Leikurinn fór af stað af stað með miklum látum þar sem bæði lið voru vel skipulögð og fær um að valda miklum skaða, en þrátt fyrir að mjótt væri á mununum tókst Dusty að tryggja sér fyrstu sex loturnar. Skiptu þar góðar staðsetningar leikmanna Dusty miklu máli en XY tókst ekki að gera sér mat úr sterkum staðalspilunum. Dusty átti góðar endurtökulotur og gat algjörlega lokað á tilburði XY. Annar ás kvöldsins kom svo í sjöttu lotu þegar ThorsteinnF sneri lotunni við með þrefaldri fellu og kláraði svo dæmið þar sem hann sat fyrir Spike sem reyndi í örvæntingu að koma sprengju fyrir. Liðsmenn Dusty lásu vel í aðstæður og brugðust mjög skipulega við hugmyndasnauðum aðgerðum XY þegar leið á fyrri hálfleik. XY tókst hvorki að skapa neinar glufur í þéttri vörn Dusty né að nýta sér það þegar þeir komust í yfirtölu og hefðu getað unnið. Staða í hálfleik: XY 3 - 12 Dusty XY kom sterkt til baka í síðari hálfleik þar sem Spike og Narfi sýndu góða takta í vörninni, en Dusty brugðust fljótt við með því að dreifa sér vel um kortið og sækja af miklum krafti. Þannig sýndu þeir hve skapandi og dýnamískt lið Dusty getur verið og af hverju þeir eru eina ósigðraða liðið í deildinni hingað til. Mótstaða XY varð fljótt að engu og enn einn sigurinn fyrir Dusty varð raunin. Dusty trónir því enn á toppnum með 16 stig og mætir Tindastóli í næst en XY er með 10 stig í 3. sæti og keppir við Þór í níundu umferð Vodafonedeildarinnar. Lokastaða: XY 6 - 16 Dusty Rafíþróttir Vodafone-deildin Mest lesið „Hún reif í mig og hraunaði yfir mig, á Marilegan hátt“ Sport Iðrast gjörða sinna: „Var klárlega rangt af mér“ Íslenski boltinn Stöðvuðu bardaga Valgerðar Sport Ferguson saknar fótboltans Enski boltinn Þjálfarinn í byrjunarliðinu: „Mér fannst þörf á smá aga í leikinn“ Handbolti Heimsmeistaranum refsað fyrir notkun blótsyrðis Formúla 1 Gróðursetja tvö hundruð tré fyrir hvert skorað mark Fótbolti Sjö mörk Jóhönnu hjálpuðu til við að landa fyrsta sigrinum Handbolti Fullkomin byrjun lærisveina Arnórs heldur áfram Handbolti Uppgjörið: Fjölnir - HK 28-27 | Flautumarkið fékk ekki að standa og Fjölnir slapp með sigur Handbolti Fleiri fréttir Dusty aftur á toppnum eftir sigur á Kano Dusty og 354 keyrðu sig í gang með geggjaðri viðureign Frábær endasprettur hjá Veca gerði út af við Hött Óvenju mörg ný andlit í Rocket League Grimm barátta og sviptingar í Fortnite Samstilltir Þórsarar afgreiddu ryðgaða Böðla Klutz réði ekkert við GoldDiggers Dusty enn á toppnum eftir tvær umferðir Metþátttaka í kvennadeildinni í Valorant Bestu hakkavélarnar byrja mótið sem þjálfarar Þór byrjar Ljósleiðaradeildina með látum Spennan magnast í Fortnite-samfélaginu Tölvuleikir auðvelda krökkum að kynnast og upplifa sögur Stærðin og áhorfið eru leynivopn Counter Strike Fólk á öllum aldri keppir í Fortnite Einbeittur sigurvilji hjá nýliðunum í Ljósleiðaradeildinni Gríðarlegar sviptingar á undanmóti Íslandsmótsins í netskák Ljóngrimmir keppendur mætast á Íslandsmótinu í netskák Háhraðahressleiki og hugsjónaorka hjá Next Level Gaming Sjá meira
Sýnt var frá þremur leikjum í 8. umferð Vodafonedeildarinnar í CS:GO í kvöld á Stöð 2 eSport. Dusty styrkti stöðu sína á toppnum með öruggum sigri á XY, en KR kemur þar fast á hælana eftir stórleik Miðgarðsorms gegn andstæðingunum í Tindastóli. Leikmenn Þórs höfðu betur gegn Hafinu og gera sig líklega til að blanda sér í báráttuna um sæti á Stórmeistaramótinu. Til gamans má geta að allir leikir umferðarinnar fóru eins, eða svipað og þegar sömu lið mættust í fyrstu umferðinni. Tindastóll - KR Í fyrsta leik kvöldsins tók Tindastóll á móti stórliði KR á Overpass kortinu. Leikstjórnandi Tindastóll, M0rals leikur ekki lengur með liðinu en í hans stað er kominn TripleG sem áður lék fyrir Aurora. Leikurinn fór vel af stað fyrir Tindastól en hægt og bítandi tókst KR að tryggja sér góða stöðu og hafa betur. Í upphafi leiks gaf Tindastóll engin færi á sér í sókninni (terrorist) og náðu fjögurra lotu forskoti með góðum opnunum og hröðum leik. Leikmenn KR tóku þá leikhlé og komu Ofvirkum á vappann en hann var felldur áður en hann náði að hleypa af skoti. Það gerði þó ekkert til því leikstjórnandinn Miðgarðsormur sá um sína með stórkostlegum ás þar sem hann felldi alla leikmenn Tindastóls hvern á fætur öðrum. Liðin skiptust svo á lotum en eftir vandræðalegt klúður hjá Tindastóli snerist leikurinn KR-ingum í vil. Þeir breyttu um taktík og náðu að skapa færi sem kom þeim yfir þegar farið var inn í síðari hálfleik. Ofvirkur og Capping voru lengi að koma sér á blað en aðrir leikmenn liðsins voru aftur á móti afar duglegir í að sækja sér 2 eða 3 fellur í hverri einustu lotu. Staða í hálfleik: Tindastóll 7 - 8 KR Tindastólsmenn mættu tilbúnir til að berjast í síðara hálfleik, tókst að lokka KR-inga í gildrur og komast yfir en KR-ingum tókst að ná stjórn á leiknum og toga Tindastól út fyrir þægindaramman. Þeir áttu erfitt með að bregðast við aðstæðum og gera nauðsynlegar breytingar á sinni spilun, svo KR komst upp á lagið með að opna hratt og örugglega, ná nokkrum fellum og spila vel úr stöðunni. Þannig náðu þeir 6 lotum í röð og stungu Tindastól af undir lokin. Enginn vafi er á Miðgarðsormur hélt uppi leik KR þar sem hann rauf 30 fellu múrinn auðveldlega og í lok leiks stóð hann uppi með 36 fellur og 2,47 í K/D. Tindastólsmeginn stóð J0n upp úr með 28 fellur en lítið fór fyrir nýjum leikstjórnanda liðsins, TripleG í síðari hálfleik þrátt fyrir góða byrjun. KR er enn í öðru sæti deildarinnar eftir sigurinn og tekur á móti Fylki í næstu viku, en þrátt fyrir breytingar á liðinu er Tindastóll í næst neðsta sætinu og á erfiðan leik fyrir höndum þegar liðið leikur gegn toppliði Dusty í næstu viku. Lokastaða: Tindastóll 11 - KR 16 Hafið - Þór Lið Hafsins og Þórs hafa mikið barist fyrir miðju Vodafonedeildarinnar á þessu tímabili og annar leikurinn kvöldsins því mikilvægur fyrir bæði lið. Liðin skiptust á að eiga góða spretti en að lokum lagði Þór Hafið á útivelli á Dust 2 kortinu. Þór blandar sér því í baráttuna um fjórða sætið, en það tryggir þáttökurétt í Stórmeistaramótinu. Þórsarar sóttu á fullum krafti í upphafi leiks og náðu að taka út leikmenns Hafsins án þess að verða fyrir miklum skaða. Útlitið var því gott í byrjun, en Hafinu tókst að snúa leiknum sér í hag með glæsilegu samspili Clvr og Instant sem hélt fjárhagi Þórs í skefjum. Hafið tók 5 lotur í röð og komst í stöðuna 5-3 en það háði þeim að einn besti leikmaður liðsins, 7homsen, komst aldrei á skrið. Oftar en ekki tók hann glæfraleg hlaup án nokkurs stuðnings og var því auðveld bráð fyrir andstæðinginn. Ljóst er að eitthvað vantaði upp á heildarskipulag og samskipti í liði Hafsins. Þórsmegin létu Dom og ADHD finna fyrir sér sem bjó til glufur í leik Hafsins sem Þórsmenn gátu nýtt sér. Staða í hálfleik: Hafið 6 - 9 Þór Þórsurum tókst trekk í trekk að valda miklum skaða á meðan Hafið baslaði við að reyna að gera sér mat úr þeim fáu tækifærum sem þeir fengu. ADHD og DOM léku á als oddi og áttu báðir stórleik með margar fellur í hverri lotu. Ekkert fékk þá stöðvað og var það Rean sem náði að klemma sigurinn í tuttugustu og fimmtu lotu. Eftir heljarinnar sprengjuregn og góða vörn hjá Hundza tókst Rean að fella hann og 7homsen við lága heilsu og aftengja sprengjuna sem sigldi leiknum í höfn. Þór er á góðu róli í deildinni með 6 stig í 5. sæti á eftir Fylki sem er með 8 stig, en í næstu umferð leikur Þór gegn XY og verður spennandi að sjá hvernig sú viðureign fer. Hafið er í 6.-7. sæti ásamt Tindastóli og mætir botnliði Aurora á mánudaginn næsta. Varamaðurinn Instant átti góðan leik og það er spurning hvort hann sé sá ferski blær sem liðið þarf nauðsynlega á að halda ætli þeir sér eitthvað meira en að standa í botnbaráttu. Lokastaða: Hafið 9 - Þór 16 XY - Dusty Í þriðju og síðustu viðureign kvöldsins tókust XY og Dusty á í NUKE. XY náði góðu forskoti í upphaf leiks og með feiknargóðu skipulagi lögðu þeir heldur tilþrifalaust lið XY nokkuð auðveldlega. Leikurinn fór af stað af stað með miklum látum þar sem bæði lið voru vel skipulögð og fær um að valda miklum skaða, en þrátt fyrir að mjótt væri á mununum tókst Dusty að tryggja sér fyrstu sex loturnar. Skiptu þar góðar staðsetningar leikmanna Dusty miklu máli en XY tókst ekki að gera sér mat úr sterkum staðalspilunum. Dusty átti góðar endurtökulotur og gat algjörlega lokað á tilburði XY. Annar ás kvöldsins kom svo í sjöttu lotu þegar ThorsteinnF sneri lotunni við með þrefaldri fellu og kláraði svo dæmið þar sem hann sat fyrir Spike sem reyndi í örvæntingu að koma sprengju fyrir. Liðsmenn Dusty lásu vel í aðstæður og brugðust mjög skipulega við hugmyndasnauðum aðgerðum XY þegar leið á fyrri hálfleik. XY tókst hvorki að skapa neinar glufur í þéttri vörn Dusty né að nýta sér það þegar þeir komust í yfirtölu og hefðu getað unnið. Staða í hálfleik: XY 3 - 12 Dusty XY kom sterkt til baka í síðari hálfleik þar sem Spike og Narfi sýndu góða takta í vörninni, en Dusty brugðust fljótt við með því að dreifa sér vel um kortið og sækja af miklum krafti. Þannig sýndu þeir hve skapandi og dýnamískt lið Dusty getur verið og af hverju þeir eru eina ósigðraða liðið í deildinni hingað til. Mótstaða XY varð fljótt að engu og enn einn sigurinn fyrir Dusty varð raunin. Dusty trónir því enn á toppnum með 16 stig og mætir Tindastóli í næst en XY er með 10 stig í 3. sæti og keppir við Þór í níundu umferð Vodafonedeildarinnar. Lokastaða: XY 6 - 16 Dusty
Rafíþróttir Vodafone-deildin Mest lesið „Hún reif í mig og hraunaði yfir mig, á Marilegan hátt“ Sport Iðrast gjörða sinna: „Var klárlega rangt af mér“ Íslenski boltinn Stöðvuðu bardaga Valgerðar Sport Ferguson saknar fótboltans Enski boltinn Þjálfarinn í byrjunarliðinu: „Mér fannst þörf á smá aga í leikinn“ Handbolti Heimsmeistaranum refsað fyrir notkun blótsyrðis Formúla 1 Gróðursetja tvö hundruð tré fyrir hvert skorað mark Fótbolti Sjö mörk Jóhönnu hjálpuðu til við að landa fyrsta sigrinum Handbolti Fullkomin byrjun lærisveina Arnórs heldur áfram Handbolti Uppgjörið: Fjölnir - HK 28-27 | Flautumarkið fékk ekki að standa og Fjölnir slapp með sigur Handbolti Fleiri fréttir Dusty aftur á toppnum eftir sigur á Kano Dusty og 354 keyrðu sig í gang með geggjaðri viðureign Frábær endasprettur hjá Veca gerði út af við Hött Óvenju mörg ný andlit í Rocket League Grimm barátta og sviptingar í Fortnite Samstilltir Þórsarar afgreiddu ryðgaða Böðla Klutz réði ekkert við GoldDiggers Dusty enn á toppnum eftir tvær umferðir Metþátttaka í kvennadeildinni í Valorant Bestu hakkavélarnar byrja mótið sem þjálfarar Þór byrjar Ljósleiðaradeildina með látum Spennan magnast í Fortnite-samfélaginu Tölvuleikir auðvelda krökkum að kynnast og upplifa sögur Stærðin og áhorfið eru leynivopn Counter Strike Fólk á öllum aldri keppir í Fortnite Einbeittur sigurvilji hjá nýliðunum í Ljósleiðaradeildinni Gríðarlegar sviptingar á undanmóti Íslandsmótsins í netskák Ljóngrimmir keppendur mætast á Íslandsmótinu í netskák Háhraðahressleiki og hugsjónaorka hjá Next Level Gaming Sjá meira
Uppgjörið: Fjölnir - HK 28-27 | Flautumarkið fékk ekki að standa og Fjölnir slapp með sigur Handbolti
Uppgjörið: Fjölnir - HK 28-27 | Flautumarkið fékk ekki að standa og Fjölnir slapp með sigur Handbolti