Chelsea bætist í bar­áttuna um Gini Wijn­aldum

Chelsea hefur því bæst í baráttuna við Barcelona, PSG og Juventus en samningur hollenska miðjumannsins við ensku meistarana rennur út í sumar.

Wijnaldum og Liverpool hafa lengi reynt að ná saman en það hefur enn ekki tekist og því eru allar líkur á því að Hollendingurinn færi sig um set í sumar.

Flest vötn hafa runnið til Barcelona enda er fyrrum þjálfari hollenska landsliðsins, Ronald Koeman, nú stjórinn á Camp Nou en ljóst er að Börsungar þurfa að taka fram veskið vilji þeir starfskrafta Wijnaldums.

Spænska blaðið Marca greinir frá því að Chelsea fylgist vel með stöðunnihjá Wijnaldum og Thomas Tuchel, stjóri Chelsea, horfi í reynslu Wijnaldums til að hjálpa ungu liði Chelsea að berjast við Man. City

Liverpool hefur þó ekki gefið upp vonina að halda Wijnaldum en það er ljóst að með hverjum deginum sem líður án samnings milli aðilanna — þá er líklegra að hann yfirgefi félagið.