Hvetja til gjaldtöku við gosstöðvarnar Kolbeinn Tumi Daðason skrifar 29. mars 2021 16:38 Mikill fjöldi bíla beið í röð eftir að opnað var fyrir umferð um Suðurstrandarveg klukkan tíu í morgun. Aðsend Fjölbreyttur hópur fólks er sammála um að skynsamlegt væri að koma á gjaldtöku fyrir bílastæði við Suðurstrandarveg. Björn Teitsson, kynningarstjóri hjá Krabbameinsfélaginu og fyrrverandi formaður Samtaka um bíllausan lífsstíl, vakti máls á þessu í Morgunblaðinu í dag. Björn var á gosstöðvunum í gær eins og þúsundir annarra þar sem loka þurfti veginum um tíma eftir hádegið vegna álags. Þá var svæðið lokað frá klukkan níu í gærkvöldi til klukkan tíu í morgun til þess meðal annars að hvíla björgunarsveitarfólk sem staðið hefur vaktina þar undanfarna viku á öllum tímum sólarhringsins. Björn Teitsson.Ómar Sverrisson „Grindavíkurbær gæti strax byrjað að rukka 1.000 kall í stæði og það myndi þýða svona 5-10 milljónir á dag, sem væri hægt að nota í þjónustu. Nú er enginn að borga neitt nema frjáls framlög til björgunarsveita, sem er gott og blessað, en það munar engan um að borga líka 1.000 kall í stæði og allir eru til í það,“ sagði Björn í Morgunblaðinu í dag. Ólafur Stephensen, formaður Félags atvinnurekenda, tekur undir þessi orð Björns í færslu á Facebook. „Það blasir við hverjum sem leggur leið sína þangað að gera þarf meiri ráðstafanir til að taka við þessum gríðarlega fjölda sem vill skoða gosið,“ segir Ólafur. „Ég er svo hjartanlega sammála því sem Björn Teitsson leggur til og blaðið segir frá, að rukkað verði fyrir bílastæði á svæðinu, þúsundkall á bíl og þá eru strax komnar nokkrar milljónir á dag til að setja í stígagerð, merkingar, gæzlu o.s.frv. Gerum þetta nú endilega ekki að enn einu málinu þar sem verður tiplað árum saman í kringum spurninguna um gjaldtöku, skellum henni bara á strax. Allir borga glaðir. Ég lagði inn á björgunarsveitina Þorbjörn fyrst ég fékk ekki að borga inn á svæðið.“ Ólafur Stephensen er framkvæmdarstjóri Félags atvinnurekanda.Vísir/Vilhelm Bolli Valgarðsson almannatengill tekur undir. „Sjálfsagt og eðlilegt í þeirri vissu að fénu verði vel varið til uppbyggingar á svæðinu. Sömuleiðis ætti sams konar gjaldtaka að vera löngu hafin í Reykjadal ofan Hveragerðis,“ segir Bolli og Hannes Hólmsteinn Gissurarson stjórnmálafræðiprófessor segir tillöguna skynsamlega. Ásthildur Sturludóttir, bæjarstjóri á Akureyri, segir um „eðalhugmynd“ að ræða. „Þetta verður samþykkt í ráðuneytinu daginn eftir að gosinu lýkur, ef ég þekki landið mitt rétt,“ segir Hallgrímur Helgason rithöfundur. Ásthildur Sturtudóttir, bæjarstjóri Akureyrar, fagnar hugmyndinni. Hjálmar Árnason, íbúi í Grafarvogi, sendi fréttastofu póst eftir hádegið. Hann vill minna á tækifæri fólks til þess að styrkja björgunarsveitina Þorbjörn í Grindavík með beinum hætti. 35 björgunarsveitarkappar hafa staðið vaktina undanfarna viku við gosstöðvarnar. „Tugir þúsunda Íslendinga hafa nú þegar heimsótt eldgosið í Geldingadal. Í okkur flestum býr nefnilega náttúrubarn sem vill upplifa náttúruna í sínum mesta ham. Og þvílík upplifun. Gangi spár eftir munum við getað fylgst með þessum öflum næstu 30 árin. Á örugglega eftir að verða fjölsóttasti ferðamannastaður okkar,“ segir Hjálmar. En ekkert gerist af engu. Björgunarsveitarmaður frá Þorbirni á tali við þyrluflugmenn Landhelgisgæslunnar.Vísir/JóiK „Við gætum ekki notið þessarar stórkostlegu náttúru ef ekki væri fyrir einstakt framlag björgunarsveitanna - ekki síst Þorbjarnar í Grindavík. Félagar hennar hafa vakað dag og nótt til að gera okkur kleyft að komast uppeftir. Þeir hafa lagt stíga, stikað leiðir, sett handrið, hjálpað slösuðum, fylgst með gasmengun, stýrt umferð og þannig má lengi telja. Og allt án þess að fá krónu fyrir vinnu sína.“ Hjálmar telur að fólki hætti til að taka þessu mikilvæga starfi og fórnfúsa sem sjálfsögðum hlut. Björgunarsveitarmenn komu upp þessu reipi til að hjálpa fólki upp og niður brattasta hjallann á leiðinni á gosstöðvarnar.Þorbjörn „Er ekki núna komið að okkur að þakka þessum vösku sveitum fyrir að hafa liðsinnt okkur á svo frábæran hátt? Ég skora á alla sem þarna hafa farið að leggja að lágmarki kr. 1000 á haus til Björgunarsveitarinnar Þorbjarnar í Grindavík og sýna þannig þakklæti okkar í verki en um leið að styrkja sveitina til frekari starfa. Okkur munar lítið um 1000 kall en saman getum við lagt Þorbirni lið og átt aðstoð þeirra vísa áfram. Þau munu örugglega hafa sín ráð til að svara öðrum sveitum sem hafa veitt aðstoð.“ Kennitala Þorbjarnar: 5912830229 Bankanúmer: 0143-26-8665 Björgunarsveitin Þorbjörn er virk á Facebook og birti þessa skemmtilegu mynd í gær. Samband okkar og lögreglunnar er einstakt Það er alveg ljóst að þetta verkefni væri mun erfiðara ef ekki væri fyrir gott samband milli björgunarsveitarmanna og lögregluþjóna Lögreglan á Suðurnesjum Posted by Björgunarsveitin Þorbjörn on Sunday, March 28, 2021 Eldgos í Fagradalsfjalli Björgunarsveitir Grindavík Mest lesið Allkröpp lægð á leiðinni til landsins Veður Biður Höllu afsökunar á fréttum af meintum lífvörðum Innlent Samstöðinni verði mögulega lokað í kvöld: Vilja fá lögbann á boðaðan aðalfund Innlent Tugir missa vinnuna í sumar Innlent Fötlun þýði ekki að börn njóti þess minna að róla og leika sér Innlent Hefur í hótunum við New York vegna „kommúnistans“ Mamdani Erlent Borgin fékk frest til að svara Umboðsmanni um fundargerðarbreytingar Innlent Bjórpása í Víkinni og lögreglan í heimsókn í Garðabæ Innlent Snurða hljóp á þráðinn í nótt Innlent Svörin líklega að finna á Íslandi: Vonlítill um að Jón Þröstur sé á lífi Innlent Fleiri fréttir Sviptur prófinu eftir að hafa ekið á 185 Ældi í rútunni og réðst svo á bílstjórann Sá sem réðst á Ingunni áfrýjar til hæstaréttar Bein útsending: Rektorsskipti í Háskóla Íslands Snurða hljóp á þráðinn í nótt Samstöðinni verði mögulega lokað í kvöld: Vilja fá lögbann á boðaðan aðalfund Strandveiðibátur sökk úti fyrir Patreksfirði Reynt að ná saman um þinglok og hart deilt um Vorstjörnuna Máttu ekki eyða gögnum fyrr en málum væri lokið á öllum dómstigum Bjórpása í Víkinni og lögreglan í heimsókn í Garðabæ Skoða ekki hvort maður hafi mátt binda barn niður og kitla Biður Höllu afsökunar á fréttum af meintum lífvörðum Svörin líklega að finna á Íslandi: Vonlítill um að Jón Þröstur sé á lífi Skjálfti upp á þrjá í Kötlu Fundar með þingflokksformönnum Fötlun þýði ekki að börn njóti þess minna að róla og leika sér Borgin fékk frest til að svara Umboðsmanni um fundargerðarbreytingar Ekkert samkomulag í höfn enn um þinglok Hringsund um Ísland skapi verðmæta þekkingu Óákveðin hvort hún fari aftur fram fyrir Sósíalista: „Mér finnst þetta bara orðið bull“ Tugir missa vinnuna í sumar Segir ráðherra sjálfum í lófa lagið að breyta leikreglum svo ágóðinn rati vestur Segir gömlu samræmdu prófin ekki hafa mælt það sem þurfti Múmínlundurinn verður Ævintýraskógur á meðan leyst er úr höfundarrétti Störf á landsbyggðinni, skortur á sérfræðiþekkingu kennara og óperugala Sektaður fyrir að vera á 101 kílómetra hraða í 101 Rektorar allra íslenskra háskóla lýsa yfir miklum áhyggjum Ekki gagnlegt að stilla fyrirtækjum upp gegn starfsfólki Krefst aðkomu Vinstri grænna að endurmótun varnarmálastefnu Skýrslutökum írsku lögreglunnar lokið Sjá meira
Björn var á gosstöðvunum í gær eins og þúsundir annarra þar sem loka þurfti veginum um tíma eftir hádegið vegna álags. Þá var svæðið lokað frá klukkan níu í gærkvöldi til klukkan tíu í morgun til þess meðal annars að hvíla björgunarsveitarfólk sem staðið hefur vaktina þar undanfarna viku á öllum tímum sólarhringsins. Björn Teitsson.Ómar Sverrisson „Grindavíkurbær gæti strax byrjað að rukka 1.000 kall í stæði og það myndi þýða svona 5-10 milljónir á dag, sem væri hægt að nota í þjónustu. Nú er enginn að borga neitt nema frjáls framlög til björgunarsveita, sem er gott og blessað, en það munar engan um að borga líka 1.000 kall í stæði og allir eru til í það,“ sagði Björn í Morgunblaðinu í dag. Ólafur Stephensen, formaður Félags atvinnurekenda, tekur undir þessi orð Björns í færslu á Facebook. „Það blasir við hverjum sem leggur leið sína þangað að gera þarf meiri ráðstafanir til að taka við þessum gríðarlega fjölda sem vill skoða gosið,“ segir Ólafur. „Ég er svo hjartanlega sammála því sem Björn Teitsson leggur til og blaðið segir frá, að rukkað verði fyrir bílastæði á svæðinu, þúsundkall á bíl og þá eru strax komnar nokkrar milljónir á dag til að setja í stígagerð, merkingar, gæzlu o.s.frv. Gerum þetta nú endilega ekki að enn einu málinu þar sem verður tiplað árum saman í kringum spurninguna um gjaldtöku, skellum henni bara á strax. Allir borga glaðir. Ég lagði inn á björgunarsveitina Þorbjörn fyrst ég fékk ekki að borga inn á svæðið.“ Ólafur Stephensen er framkvæmdarstjóri Félags atvinnurekanda.Vísir/Vilhelm Bolli Valgarðsson almannatengill tekur undir. „Sjálfsagt og eðlilegt í þeirri vissu að fénu verði vel varið til uppbyggingar á svæðinu. Sömuleiðis ætti sams konar gjaldtaka að vera löngu hafin í Reykjadal ofan Hveragerðis,“ segir Bolli og Hannes Hólmsteinn Gissurarson stjórnmálafræðiprófessor segir tillöguna skynsamlega. Ásthildur Sturludóttir, bæjarstjóri á Akureyri, segir um „eðalhugmynd“ að ræða. „Þetta verður samþykkt í ráðuneytinu daginn eftir að gosinu lýkur, ef ég þekki landið mitt rétt,“ segir Hallgrímur Helgason rithöfundur. Ásthildur Sturtudóttir, bæjarstjóri Akureyrar, fagnar hugmyndinni. Hjálmar Árnason, íbúi í Grafarvogi, sendi fréttastofu póst eftir hádegið. Hann vill minna á tækifæri fólks til þess að styrkja björgunarsveitina Þorbjörn í Grindavík með beinum hætti. 35 björgunarsveitarkappar hafa staðið vaktina undanfarna viku við gosstöðvarnar. „Tugir þúsunda Íslendinga hafa nú þegar heimsótt eldgosið í Geldingadal. Í okkur flestum býr nefnilega náttúrubarn sem vill upplifa náttúruna í sínum mesta ham. Og þvílík upplifun. Gangi spár eftir munum við getað fylgst með þessum öflum næstu 30 árin. Á örugglega eftir að verða fjölsóttasti ferðamannastaður okkar,“ segir Hjálmar. En ekkert gerist af engu. Björgunarsveitarmaður frá Þorbirni á tali við þyrluflugmenn Landhelgisgæslunnar.Vísir/JóiK „Við gætum ekki notið þessarar stórkostlegu náttúru ef ekki væri fyrir einstakt framlag björgunarsveitanna - ekki síst Þorbjarnar í Grindavík. Félagar hennar hafa vakað dag og nótt til að gera okkur kleyft að komast uppeftir. Þeir hafa lagt stíga, stikað leiðir, sett handrið, hjálpað slösuðum, fylgst með gasmengun, stýrt umferð og þannig má lengi telja. Og allt án þess að fá krónu fyrir vinnu sína.“ Hjálmar telur að fólki hætti til að taka þessu mikilvæga starfi og fórnfúsa sem sjálfsögðum hlut. Björgunarsveitarmenn komu upp þessu reipi til að hjálpa fólki upp og niður brattasta hjallann á leiðinni á gosstöðvarnar.Þorbjörn „Er ekki núna komið að okkur að þakka þessum vösku sveitum fyrir að hafa liðsinnt okkur á svo frábæran hátt? Ég skora á alla sem þarna hafa farið að leggja að lágmarki kr. 1000 á haus til Björgunarsveitarinnar Þorbjarnar í Grindavík og sýna þannig þakklæti okkar í verki en um leið að styrkja sveitina til frekari starfa. Okkur munar lítið um 1000 kall en saman getum við lagt Þorbirni lið og átt aðstoð þeirra vísa áfram. Þau munu örugglega hafa sín ráð til að svara öðrum sveitum sem hafa veitt aðstoð.“ Kennitala Þorbjarnar: 5912830229 Bankanúmer: 0143-26-8665 Björgunarsveitin Þorbjörn er virk á Facebook og birti þessa skemmtilegu mynd í gær. Samband okkar og lögreglunnar er einstakt Það er alveg ljóst að þetta verkefni væri mun erfiðara ef ekki væri fyrir gott samband milli björgunarsveitarmanna og lögregluþjóna Lögreglan á Suðurnesjum Posted by Björgunarsveitin Þorbjörn on Sunday, March 28, 2021
Eldgos í Fagradalsfjalli Björgunarsveitir Grindavík Mest lesið Allkröpp lægð á leiðinni til landsins Veður Biður Höllu afsökunar á fréttum af meintum lífvörðum Innlent Samstöðinni verði mögulega lokað í kvöld: Vilja fá lögbann á boðaðan aðalfund Innlent Tugir missa vinnuna í sumar Innlent Fötlun þýði ekki að börn njóti þess minna að róla og leika sér Innlent Hefur í hótunum við New York vegna „kommúnistans“ Mamdani Erlent Borgin fékk frest til að svara Umboðsmanni um fundargerðarbreytingar Innlent Bjórpása í Víkinni og lögreglan í heimsókn í Garðabæ Innlent Snurða hljóp á þráðinn í nótt Innlent Svörin líklega að finna á Íslandi: Vonlítill um að Jón Þröstur sé á lífi Innlent Fleiri fréttir Sviptur prófinu eftir að hafa ekið á 185 Ældi í rútunni og réðst svo á bílstjórann Sá sem réðst á Ingunni áfrýjar til hæstaréttar Bein útsending: Rektorsskipti í Háskóla Íslands Snurða hljóp á þráðinn í nótt Samstöðinni verði mögulega lokað í kvöld: Vilja fá lögbann á boðaðan aðalfund Strandveiðibátur sökk úti fyrir Patreksfirði Reynt að ná saman um þinglok og hart deilt um Vorstjörnuna Máttu ekki eyða gögnum fyrr en málum væri lokið á öllum dómstigum Bjórpása í Víkinni og lögreglan í heimsókn í Garðabæ Skoða ekki hvort maður hafi mátt binda barn niður og kitla Biður Höllu afsökunar á fréttum af meintum lífvörðum Svörin líklega að finna á Íslandi: Vonlítill um að Jón Þröstur sé á lífi Skjálfti upp á þrjá í Kötlu Fundar með þingflokksformönnum Fötlun þýði ekki að börn njóti þess minna að róla og leika sér Borgin fékk frest til að svara Umboðsmanni um fundargerðarbreytingar Ekkert samkomulag í höfn enn um þinglok Hringsund um Ísland skapi verðmæta þekkingu Óákveðin hvort hún fari aftur fram fyrir Sósíalista: „Mér finnst þetta bara orðið bull“ Tugir missa vinnuna í sumar Segir ráðherra sjálfum í lófa lagið að breyta leikreglum svo ágóðinn rati vestur Segir gömlu samræmdu prófin ekki hafa mælt það sem þurfti Múmínlundurinn verður Ævintýraskógur á meðan leyst er úr höfundarrétti Störf á landsbyggðinni, skortur á sérfræðiþekkingu kennara og óperugala Sektaður fyrir að vera á 101 kílómetra hraða í 101 Rektorar allra íslenskra háskóla lýsa yfir miklum áhyggjum Ekki gagnlegt að stilla fyrirtækjum upp gegn starfsfólki Krefst aðkomu Vinstri grænna að endurmótun varnarmálastefnu Skýrslutökum írsku lögreglunnar lokið Sjá meira