David Ornstein, blaðamaður The Athletic, greindi frá þessu í morgun. Hann segir að viðræður séu langt komnar og Liverpool þurfi líklega að borga 40 milljóna evra riftunarverð í samningi Konatés við Leipzig.
Exclusive: Liverpool working to finalise deal for Ibrahima Konate from RB Leipzig. Not done but significant progress made + #LFC pursuit of 21yo French centre-back now advanced. Likely his ~ 40m release clause will need paying @TheAthleticUK #RBLeipzig https://t.co/GIdqf6yMXN
— David Ornstein (@David_Ornstein) March 29, 2021
Konaté er 21 árs franskur miðvörður sem hefur vakið mikla athygli fyrir frammistöðu sína með Leipzig. Hann gekk í raðir Leipzig frá Sochaux 2017.
Annar franskur miðvörður hjá Leipzig, Dayot Upamecano hefur samið við Bayern München og gengur til liðs við Evrópumeistarana í sumar.
Konaté er nú með franska U-21 árs landsliðinu á EM. Frakkar mæta Íslendingum í lokaumferð riðlakeppninnar á miðvikudaginn. Frakkar unnu 0-2 sigur á Rússum í gær. Þeir verða að vinna Íslendinga á miðvikudaginn til að vera öruggir með sæti í átta liða úrslitum EM.
