Enski boltinn

Ráðleggur Ca­vani að yfir­­­gefa Man. United

Anton Ingi Leifsson skrifar
Cavani gæti verið á leið frá United í sumar.
Cavani gæti verið á leið frá United í sumar. Laurence Griffiths/Getty

Ef framtíð Edison Cavani væri undir aðstoðarlandsliðsþjálfara Úrúgvæ komið þá myndi hann skipta um félag. Þetta sagði hann í samtali við TvC Sports.

Mario Rebollo er aðstoðarlandsliðsþjálfari Úrúgvæ. Samningur Cavani við United rennur út í sumar en samningur hans hefur ekki verið framlengdur.

Sögusagnir hafa verið um að samningurinn yrði framlengdur en það hefur ekkert gerst í þei efnum nýlega og bendir því allt til þess að Cavani fari frá United í sumar.

„Það væri gott ef hann myndi fara frá United,“ sagði aðstoðarlandsliðsþjálfarinn í samtali við TvC Sports.

„Hann þarf að finna félag þar sem hann finnur taktinn og þar sem honum líður vel. Það myndi einnig hjálpa landsliðinu.“

Hinn 34 ára Cavani hefur spilað átján úrvalsdeildarleiki á tímabilinu. Í þeim átján leikjum hefur hann skorað sex mörk.

Hann kom til félagsins í október eftir að samningur hans við PSG rann út síðasta sumar.

Enski boltinn

Mest lesið


Fleiri fréttir

Sjá meira


×

Mest lesið