Skoða hvort börn hafi sætt illri meðferð á Laugalandi og Varpholti Elín Margrét Böðvarsdóttir skrifar 20. febrúar 2021 11:28 Ríkisstjórnin samþykkti tillögu Ásmundar Einars Daðasonar, félags- og barnamálaráðherra, í gær. Vísir/Vilhelm Ríkisstjórnin samþykkti í gær tillögu félags- og barnamálaráðherra um að það verði kannað hvort og þá í hvaða mæli börn sem voru vistuð á meðferðarheimilinu Varpholti og Laugalandi hafi sætt illri meðferð. Gæða- og eftirlitsstofnun félagsþjónustu og barnaverndar verður falin umsjá málsins samkvæmt tillögu Ásmundar Einars Daðasonar, félags- og barnamálaráðherra, en stofnunin mun kanna hvort börn sem dvöldu á meðferðarheimilinu á árunum 1997 til 2997 hafi sætt illri meðferð, andlegu eða líkamlegu ofbeldi á meðan á dvöl þeirra stóð. Þetta kemur fram í tilkynningu frá ráðuneytinu í gær en þar segir að ráðherra hafi í tvígang átt fund með konum sem vistaðar voru á meðferðarheimilinu. Hann hafi í kjölfarið ákveðið að fela stofnuninni að fara ofan í saumana á starfseminni. Gæða- og eftirlitsstofnun félagsþjónustu og barnaverndar mun fara yfir öll gögn málsins auk þess að taka viðtöl við einstaklinga sem vistaðir voru á meðferðarheimilinu, rekstraraðila og starfsfólk heimilisins, ásamt ráðgjafa sem önnuðust málefni barnanna sem þar voru vistuð. Þá segir í tilkynningu ráðuneytisins að niðurstaða stofnunarinnar muni móta grundvöll að frekari viðbrögðum stjórnvalda. Ítrekað tilkynnt um andlegt og líkamlegt ofbeldi Stundin hefur fjallað nokkuð ítarlega um málið að undanförnu en ellefu nafngreindar konur höfðu sent ráðherra bréf þar sem þess er farið á leit við ráðherra að starfsemi meðferðarheimilisins yrði rannsökuð. Brynja Skúladóttir, ein kvennanna, fagnar ákvörðun ríkisstjórnarinnar í samtali við Stundina í gær. Blaðið fjallaði einnig um það í gær að ítrekað hafi verið kvartað yfir illri meðferð á Laugalandi en að Barnaverndarstofa hafi á sínum tíma ekki brugðist við. Í umfjöllun blaðsins er vísað til gagna frá Umboðsmanni barna sem sýni að þangað hafi ítrekað borist tilkynningar á tíu ára tímabili, frá 2000 til 2010, um slæmar aðstæður sem börn bjuggu við á vistheimilunum Varpholti og Laugalandi. Þá hafi fleiri kvartanir borist beint til Barnaverndarstofu, en það vildi Bragi Guðbrandsson, þáverandi forstjóri Barnaverndarstofu, ekki kannast við í samtali við Stundina. Þrátt fyrir ítrekaðar tilkynningar hafi aldrei farið fram rannsókn á þeim ásökunum sem fram höfðu komið um meinta illa meðferð. Kallaðar druslur og hórur Í frétt Stundarinnar er meðal annars einnig vísað til skýrslu frá árinu 2012 þar sem fram kemur að hátt í þriðjungur þeirra barna sem hafi verið vistuð á langtímameðferðarheimilum Barnaverndarstofu, hafi greint frá því að þau hefðu orðið fyrir ofbeldi af hálfu starfsfólks. Meðal þess sem kemur fram í gögnum sem Stundin hefur kallað eftir og skrifað upp úr eru ljót orð sem forstöðumaður meðferðarheimilisins er sagður hafa látið falla um stúlkurnar. „Þær voru kallaðar öllum illum nöfnum, meðal annars druslur og hórur á hverjum einasta degi“, segir til að mynda í einu minnisblaði frá embætti Umboðsmanns barna. Í minnisblaðinu kemur einnig fram að stúlkurnar hafi lýst því að stjórnendur heimilisins hafi sagt frá persónulegum málum þeirra fyrir framan allan hópinn sem þar dvaldi, logið að þeim og talað illa um fjölskyldur stúlknanna. Þá hafi einhverjar stúlknanna einnig greint frá líkamlegu ofbeldi að því er fram kemur í umfjöllun Stundarinnar. Dregin á hárinu á fyrsta degi á Laugalandi Ein þeirra er Teresa Dröfn Freysdóttir sem lýsti reynslu sinni í samtali við Stundina í janúar. „Ég er á einhverfurófi og átti til að troða mér inn í skápa eða þröng rými til að fá frið. Ég gerði það líka á þessari stundu til að fá næði og til að melta hvað væri að gerast,“ sagði Teresa við Stundina er hún lýsti sínum fyrsta degi á Laugalandi þegar hún var þrettán ára. „Ég var ekki búin að vera lengi inni í skápnum þegar Ingjaldur kom, reif hurðina upp og dró mig út úr skápnum. Ég barðist um og þá reif hann í hárið á mér og dró mig á hárinu eftir ganginum og upp stiga á næstu hæð og fleygði mér svo í sófa sem þarna var. Tónninn var mjög skýr og sleginn á fyrsta degi,“ segir Teresa Dröfn við Stundina. Félagsmál Ofbeldi gegn börnum Börn og uppeldi Ríkisstjórn Katrínar Jakobsdóttur Eyjafjarðarsveit Akureyri Meðferðarheimili Mest lesið Flugmenn tókust óafvitandi á um stjórnina í mikilli ókyrrð yfir Íslandi Innlent „Þetta er vondur klukkutími hér í þessum þingsal“ Innlent „Þeir sem búa í glerhúsi ættu að spara grjótkastið“ Innlent Býst við að bróðir sinn Leó feti í fótspor Frans Erlent Átta ára fangelsi í sögulegu fíkniefnamáli Innlent Skólaþorpið í Laugardal: Syðri innkeyrslunni lokað og 256 bílastæði fjarlægð Innlent Telur að Ólafur Þór og Sigríður hljóti að víkja við rannsókn málsins Innlent „Hún er albesti vinur minn“ Innlent Gerir Pirro að ríkissaksóknara í DC Erlent Skipulögð brotastarfsemi er komin til að vera Innlent Fleiri fréttir Kristrún ræddi við Trump og Selenskíj á fundi JEF-ríkja Jákvæður tónn í Norðurþingi um samstarf við Carbfix Íslandsmet á Alþingi og saksóknarar gagnrýndir Telur að Ólafur Þór og Sigríður hljóti að víkja við rannsókn málsins „Þetta er vondur klukkutími hér í þessum þingsal“ Flugmenn tókust óafvitandi á um stjórnina í mikilli ókyrrð yfir Íslandi Skipulögð brotastarfsemi er komin til að vera Skilríkjalaus og með fíkniefni „Hún er albesti vinur minn“ Loftslagsmál sitji á hakanum vegna stríða og heimsfaraldurs „Þeir sem búa í glerhúsi ættu að spara grjótkastið“ „Svik við lögreglumannastéttina“ og slái hann „mjög illa“ Átta ára fangelsi í sögulegu fíkniefnamáli Einn rólegur, annar afar ósáttur Skólaþorpið í Laugardal: Syðri innkeyrslunni lokað og 256 bílastæði fjarlægð „Gott að eldast“ í tuttugu og tveimur sveitarfélögum Uppsagnir á Þjóðminjasafninu Lítil Björg dró stóra Hildi í land Nýr páfi, svik við almenning og loðnasti starfsmaður Rimaskóla Lá alblóðugur á gangstétt eftir að hafa komist undan árás æskuvinarins Þungt hugsi og í áfalli Telja Jón Þór hafa tryllst af afbrýðissemi Viðsnúningur eftir krappan dans Vantraust á framkvæmdastjóra Félagsbústaða talið alvarlegt Rúmir níu milljarðar runnið úr ríkissjóði til flokkanna Ólafur Þór undrandi og dómsmálaráðherra talar um svik við þjóðina Heilsa, vellíðan, friður, réttlæti og jöfnuður mikilvægustu markmiðin Svik við almenning, kerfið og samstarfsfólk Ein breyting á stjórn sem leggja á niður „Rotnir starfshættir og ríkisrekið ofbeldi gegn borgurunum“ Sjá meira
Gæða- og eftirlitsstofnun félagsþjónustu og barnaverndar verður falin umsjá málsins samkvæmt tillögu Ásmundar Einars Daðasonar, félags- og barnamálaráðherra, en stofnunin mun kanna hvort börn sem dvöldu á meðferðarheimilinu á árunum 1997 til 2997 hafi sætt illri meðferð, andlegu eða líkamlegu ofbeldi á meðan á dvöl þeirra stóð. Þetta kemur fram í tilkynningu frá ráðuneytinu í gær en þar segir að ráðherra hafi í tvígang átt fund með konum sem vistaðar voru á meðferðarheimilinu. Hann hafi í kjölfarið ákveðið að fela stofnuninni að fara ofan í saumana á starfseminni. Gæða- og eftirlitsstofnun félagsþjónustu og barnaverndar mun fara yfir öll gögn málsins auk þess að taka viðtöl við einstaklinga sem vistaðir voru á meðferðarheimilinu, rekstraraðila og starfsfólk heimilisins, ásamt ráðgjafa sem önnuðust málefni barnanna sem þar voru vistuð. Þá segir í tilkynningu ráðuneytisins að niðurstaða stofnunarinnar muni móta grundvöll að frekari viðbrögðum stjórnvalda. Ítrekað tilkynnt um andlegt og líkamlegt ofbeldi Stundin hefur fjallað nokkuð ítarlega um málið að undanförnu en ellefu nafngreindar konur höfðu sent ráðherra bréf þar sem þess er farið á leit við ráðherra að starfsemi meðferðarheimilisins yrði rannsökuð. Brynja Skúladóttir, ein kvennanna, fagnar ákvörðun ríkisstjórnarinnar í samtali við Stundina í gær. Blaðið fjallaði einnig um það í gær að ítrekað hafi verið kvartað yfir illri meðferð á Laugalandi en að Barnaverndarstofa hafi á sínum tíma ekki brugðist við. Í umfjöllun blaðsins er vísað til gagna frá Umboðsmanni barna sem sýni að þangað hafi ítrekað borist tilkynningar á tíu ára tímabili, frá 2000 til 2010, um slæmar aðstæður sem börn bjuggu við á vistheimilunum Varpholti og Laugalandi. Þá hafi fleiri kvartanir borist beint til Barnaverndarstofu, en það vildi Bragi Guðbrandsson, þáverandi forstjóri Barnaverndarstofu, ekki kannast við í samtali við Stundina. Þrátt fyrir ítrekaðar tilkynningar hafi aldrei farið fram rannsókn á þeim ásökunum sem fram höfðu komið um meinta illa meðferð. Kallaðar druslur og hórur Í frétt Stundarinnar er meðal annars einnig vísað til skýrslu frá árinu 2012 þar sem fram kemur að hátt í þriðjungur þeirra barna sem hafi verið vistuð á langtímameðferðarheimilum Barnaverndarstofu, hafi greint frá því að þau hefðu orðið fyrir ofbeldi af hálfu starfsfólks. Meðal þess sem kemur fram í gögnum sem Stundin hefur kallað eftir og skrifað upp úr eru ljót orð sem forstöðumaður meðferðarheimilisins er sagður hafa látið falla um stúlkurnar. „Þær voru kallaðar öllum illum nöfnum, meðal annars druslur og hórur á hverjum einasta degi“, segir til að mynda í einu minnisblaði frá embætti Umboðsmanns barna. Í minnisblaðinu kemur einnig fram að stúlkurnar hafi lýst því að stjórnendur heimilisins hafi sagt frá persónulegum málum þeirra fyrir framan allan hópinn sem þar dvaldi, logið að þeim og talað illa um fjölskyldur stúlknanna. Þá hafi einhverjar stúlknanna einnig greint frá líkamlegu ofbeldi að því er fram kemur í umfjöllun Stundarinnar. Dregin á hárinu á fyrsta degi á Laugalandi Ein þeirra er Teresa Dröfn Freysdóttir sem lýsti reynslu sinni í samtali við Stundina í janúar. „Ég er á einhverfurófi og átti til að troða mér inn í skápa eða þröng rými til að fá frið. Ég gerði það líka á þessari stundu til að fá næði og til að melta hvað væri að gerast,“ sagði Teresa við Stundina er hún lýsti sínum fyrsta degi á Laugalandi þegar hún var þrettán ára. „Ég var ekki búin að vera lengi inni í skápnum þegar Ingjaldur kom, reif hurðina upp og dró mig út úr skápnum. Ég barðist um og þá reif hann í hárið á mér og dró mig á hárinu eftir ganginum og upp stiga á næstu hæð og fleygði mér svo í sófa sem þarna var. Tónninn var mjög skýr og sleginn á fyrsta degi,“ segir Teresa Dröfn við Stundina.
Félagsmál Ofbeldi gegn börnum Börn og uppeldi Ríkisstjórn Katrínar Jakobsdóttur Eyjafjarðarsveit Akureyri Meðferðarheimili Mest lesið Flugmenn tókust óafvitandi á um stjórnina í mikilli ókyrrð yfir Íslandi Innlent „Þetta er vondur klukkutími hér í þessum þingsal“ Innlent „Þeir sem búa í glerhúsi ættu að spara grjótkastið“ Innlent Býst við að bróðir sinn Leó feti í fótspor Frans Erlent Átta ára fangelsi í sögulegu fíkniefnamáli Innlent Skólaþorpið í Laugardal: Syðri innkeyrslunni lokað og 256 bílastæði fjarlægð Innlent Telur að Ólafur Þór og Sigríður hljóti að víkja við rannsókn málsins Innlent „Hún er albesti vinur minn“ Innlent Gerir Pirro að ríkissaksóknara í DC Erlent Skipulögð brotastarfsemi er komin til að vera Innlent Fleiri fréttir Kristrún ræddi við Trump og Selenskíj á fundi JEF-ríkja Jákvæður tónn í Norðurþingi um samstarf við Carbfix Íslandsmet á Alþingi og saksóknarar gagnrýndir Telur að Ólafur Þór og Sigríður hljóti að víkja við rannsókn málsins „Þetta er vondur klukkutími hér í þessum þingsal“ Flugmenn tókust óafvitandi á um stjórnina í mikilli ókyrrð yfir Íslandi Skipulögð brotastarfsemi er komin til að vera Skilríkjalaus og með fíkniefni „Hún er albesti vinur minn“ Loftslagsmál sitji á hakanum vegna stríða og heimsfaraldurs „Þeir sem búa í glerhúsi ættu að spara grjótkastið“ „Svik við lögreglumannastéttina“ og slái hann „mjög illa“ Átta ára fangelsi í sögulegu fíkniefnamáli Einn rólegur, annar afar ósáttur Skólaþorpið í Laugardal: Syðri innkeyrslunni lokað og 256 bílastæði fjarlægð „Gott að eldast“ í tuttugu og tveimur sveitarfélögum Uppsagnir á Þjóðminjasafninu Lítil Björg dró stóra Hildi í land Nýr páfi, svik við almenning og loðnasti starfsmaður Rimaskóla Lá alblóðugur á gangstétt eftir að hafa komist undan árás æskuvinarins Þungt hugsi og í áfalli Telja Jón Þór hafa tryllst af afbrýðissemi Viðsnúningur eftir krappan dans Vantraust á framkvæmdastjóra Félagsbústaða talið alvarlegt Rúmir níu milljarðar runnið úr ríkissjóði til flokkanna Ólafur Þór undrandi og dómsmálaráðherra talar um svik við þjóðina Heilsa, vellíðan, friður, réttlæti og jöfnuður mikilvægustu markmiðin Svik við almenning, kerfið og samstarfsfólk Ein breyting á stjórn sem leggja á niður „Rotnir starfshættir og ríkisrekið ofbeldi gegn borgurunum“ Sjá meira