Með sex sinnum fleiri mörk en næsti markvörður

Phil Döhler skoraði tvö mörk yfir allan völlinn í 29-29 jafntefli FH og Hauka í Hafnarfjarðarslagnum í gærkvöldi.

Döhler skoraði fleiri mörk í leiknum í gær en nokkur annar markvörður hefur náð í einum leik í deildinni á þessu tímabili.

Þetta var enn fremur í annað skiptið í vetur sem Döhler skorar tvö mörk í leik en hann skoraði einnig tvö mörk á móti KA. Sá leikur endaði líka með jafntefli.

Phil Döhler er alls með sex mörk í Olís deildinni á leiktíðinni sem er sex sinnum meira en næstmarkahæsti markvörðurinn en átta markverðir deilda öðru sætinu með eitt mark.

Döhler er einnig með sjö stoðsendingar en þar er hann við hlið Gróttumarkverðinum Stefáns Huldar Stefánssonar sem er líka með sjö stoðsendingar. Phil Döhler hefur því alls komið að þrettán mörkum með beinu hætti í níu leikjum FH-liðsins í vetur.

Björgvin Páll Gústavsson, markvörður Hauka, hefur oftar en ekki verið áberandi þegar kemur að markaskori markvarða en hann hefur bara skorað eitt mark í vetur.

Þegar Björgvin Páll lék hér síðast tímabilið 2017-18 þá skoraði hann 11 mörk í 22 leikjum. Nú er hann bara með eitt mark í sjö leikjum.

Hér fyrir neðan má sjá tölfræði yfir markaskor markvarða en upplýsingar eru fengnar af tölfræðisíðunni skemmtilegu HB Statz.