Eitthvað mikið þurfi að fara úrskeiðis til að breytt nálgun heppnist ekki Elín Margrét Böðvarsdóttir og Kristín Ólafsdóttir skrifa 24. janúar 2021 22:00 Þórólfur Guðnason sóttvarnalæknir. Almannavarnir Þórólfur Guðnason sóttvarnalæknir segir ánægjulegt hve fáir hafi greinst með covid-19 innanlands undanfarna daga. Hann bendir þó á að það sé áhyggjuefni hversu margir séu enn að greinast á landamærunum. Þeir sem þar greinist geti orðið alvarlega veikir sem geti skilað sér í auknu álagi á heilbrigðiskerfið. Þá hefur ný nálgun verið tekin upp hvað varðar notkun þess bóluefnis sem kemur til landsins. Nú eru allir skammtar nýttir jafnóðum en ekki helmingurinn geymdur til seinni bólusetningar líkt og gert var með fyrstu sendingu bóluefnis sem kom til landsins. „Fyrsti skammturinn sem við fengum frá Pfizer, sem voru um tíu þúsund skammtar, við bólusettum fimm þúsund manns og geymdum fimm þúsund í seinni bólusetninguna. Það var vegna þess að það hefur verið erfitt að koma því heim og saman og láta þetta ganga allt upp, svona stjórnunarlega séð. En eftir þessa tíu þúsund skammta höfum við notað alla skammtana í fyrstu bólusetningu hjá fólki og notum þá næstu sendingar til þess að bólusetja í bólusetningu númer tvö og þannig ætlum við að halda áfram,“ segir Þórólfur. Bólusetning hófst hér á landi milli jóla og nýárs með bóluefni frá Pfizer.Vísir/Vilhelm Hann kveðst ekki óttast að þessi breytta nálgun geri það að verkum að of langur tími líði á milli bólusetninga, ef svo færi að röskun verði á dreifingu bóluefnis til landsins. Eitthvað mikið þurfi að fara úrskeiðis til að þessi nálgun muni ekki heppnast. „Nú eru að koma í ljós að það er hægt að bíða með seinni bólusetninguna lengur heldur en að menn héldu í byrjun, þegar að við ákváðum það að halda eftir fimm þúsund skömmtum í bólusetningu tvö, þá var talað um það að seinni bólusetningin þyrfti að vera nítján til tuttugu og þremur eftir þá fyrri. Síðan þá hefur það breyst og eru nítján til fjörutíu og tveir dagar. Þannig að við höfum smá rými,“ segir Þórólfur. AstraZeneca ekki enn fengið markaðsleyfi í Evrópu Í dag greindust tveir með covid-19 innanlands en átta á landamærum. „Þetta eru ánægjulegar tölur með innanlandssmitin. Ég bendi á að við erum ennþá að greina nokkurn fjölda á landamærunum og þetta er náttúrlega fólk sem að gæti líka átt eftir að veikjast alvarlega, þannig að þetta gæti þýtt það að það valdi miklu álagi fyrir til dæmis heilbrigðisþjónustuna hér, spítalann og annað slíkt,“ segir Þórólfur. Fregnir bárust af því í vikunni að sennilega yrðu færri skammtar af bóluefni AstraZeneca afhendir innan Evrópusambandsins á næstu vikum en áætlanir gerðuráð fyrir. Þórólfur segir erfitt að segja til um á þessari stundu hvort eða með hvaða hætti það hefur áhrif á Ísland. „Ég held að það sé bara mjög erfitt að segja til um það. AstraZeneca er ekki búið að fá markaðsleyfi hér á Íslandi eða í Evrópu ennþá og við höfum ekki séð neina opinbera dreifingaráætlun frá þeim. Þeir þurfa fyrst að fá markaðsleyfi og síðan birt okkur sína dreifingaráætlun. Þannig að við sjáum bara þá hvað við fáum marga skammta,“ segir Þórólfur. Þá segir hann ekkert nýtt að frétta af viðræðum við Pfizer. „Við höfum verið í samskiptum og menn hafa verið að velta fyrir sér ýmsum hlutum. En það er ekki neitt sem er komið á neinn endapunkt,“ segir Þórólfur. Ekki heldur séu nein tíðindi af viðræðum við önnur fyrirtæki um mögulega þátttöku Íslensku þjóðarinnar í rannsóknum í tengslum við bólusetningu. „Þetta helgast mikið af því að það er mikill skortur á bóluefnum. Og þó að svona fyrirtæki haldi oft eftir skömmtum fyrir rannsóknir þá er líka ásókn í það, að gera svona rannsóknir. Þannig að þetta er ekki auðveld staða,“ útskýrir Þórólfur. Vægari aðgerðir hér en í nágrannalöndum Eins segir hann erfitt að segja til um það hvenær verði hægt að fara í frekari tilslakanir á aðgerðum innanlands. „Ég hef alltaf sagt það að það er ekki komin nema rúm vika frá því að síðasta reglugerð tók gildi og það tekur eina til tvær vikur í viðbót að sjá virkilega árangurinn af því. Og ég hef sagt það að við séum bara alltaf með þetta í endurmati. En eins og ég sé þetta núna, og hef gert þá þurfum við að fara varlega í sakirnar. Það er áhyggjuefni að það skuli færri vera að mæta í sýnatökur, við sáum það í vikunni, og það eru svona ákveðnar vísbendingar um það. Þannig ég vil hvetja eindregið alla sem eru með minnstu einkenni að mæta í sýnatöku. Það er í raun og veru forsenda fyrir því að við vitum hver staðan er í raun og veru hér innanlands,“ segir Þórólfur. Alltaf þurfi að vega og meta stöðuna, það hafi þó gengið vel og nú séu vægari aðgerðir til að mynda í gangi hér á landi en í helstu nágrannalöndum. „Ég held að við eigum bara að njóta þess og passa okkur sem mest á meðan við erum að reyna að ná útbreiddari bólusetningu.“ Fréttin hefur verið uppfærð. Faraldur kórónuveiru (COVID-19) Bólusetningar Mest lesið Ökumaður bifhjólsins látinn Innlent Ógeðsleg aðkoma að íbúðinni eftir Airbnb-gesti Innlent Ísland leggur til fólk í finnskar herstöðvar Innlent Lögreglan lýsir eftir Arnari Hauki Innlent Alvarlegt mótorhjólaslys og Miklubraut lokað Innlent „Það er enginn svartur listi hjá okkur“ Innlent „Það er engin ástæða til að gefast upp“ Innlent „Nú verður að hafa hraðar hendur“ Innlent Óska eftir vitnum: Missti stjórn og hafnaði á vegriði Innlent Dettifoss vélarvana úti á ballarhafi Innlent Fleiri fréttir Mátti ekki lána sér pening úr eigin fyrirtæki Lögreglan lýsir eftir Arnari Hauki „Skýr vísbending um að gera þurfi betur í málefnum erlendra barna“ Sjúklingar óttist dómhörku vegna þyngdarstjórnunarlyfja „Það er engin ástæða til að gefast upp“ Reiðarslag fyrir Landsvirkjun, kjarnorkukafbátur og heimsfræg íslensk kisa „Í næstu umferð fara hlutirnir í gegn“ Tilkynnt um buxnalausan mann og stolinn pizzaofn „Það er enginn svartur listi hjá okkur“ Davíð hafi lagt Golíat Hlaup er hafið úr Mýrdalsjökli Ökumaður bifhjólsins látinn Dettifoss vélarvana úti á ballarhafi Flugvél snúið við vegna bilunar „Enn ein viðurkenning að það má brjóta á fötluðu fólki“ Ógeðsleg aðkoma að íbúðinni eftir Airbnb-gesti Óska eftir vitnum: Missti stjórn og hafnaði á vegriði Bíða niðurstaðna um magakveisuna á Laugarvatni Dómurinn vonbrigði en virkjunin ekki út úr myndinni Kona á fimmtugsaldri í haldi vegna hnífstunguárásar „Nú verður að hafa hraðar hendur“ Hvammsvirkjun í uppnámi og ókyrrð hjá Play Hæstiréttur hafnar Hvammsvirkjun Inga Sæland með galsa á þingi í nótt „Orðaskiftismetið tikið“ Bifhjólamaðurinn „mikið slasaður“ Alvarlegt mótorhjólaslys og Miklubraut lokað Ungt fólk notar frekar samfélagsmiðla en hefðbundna fréttamiðla Stór meirihluti þjóðarinnar hlynntur veiðigjaldafrumvarpinu „Þú ert mögulega búin að nota gagnaver 400 sinnum síðan í morgun“ Sjá meira
Þá hefur ný nálgun verið tekin upp hvað varðar notkun þess bóluefnis sem kemur til landsins. Nú eru allir skammtar nýttir jafnóðum en ekki helmingurinn geymdur til seinni bólusetningar líkt og gert var með fyrstu sendingu bóluefnis sem kom til landsins. „Fyrsti skammturinn sem við fengum frá Pfizer, sem voru um tíu þúsund skammtar, við bólusettum fimm þúsund manns og geymdum fimm þúsund í seinni bólusetninguna. Það var vegna þess að það hefur verið erfitt að koma því heim og saman og láta þetta ganga allt upp, svona stjórnunarlega séð. En eftir þessa tíu þúsund skammta höfum við notað alla skammtana í fyrstu bólusetningu hjá fólki og notum þá næstu sendingar til þess að bólusetja í bólusetningu númer tvö og þannig ætlum við að halda áfram,“ segir Þórólfur. Bólusetning hófst hér á landi milli jóla og nýárs með bóluefni frá Pfizer.Vísir/Vilhelm Hann kveðst ekki óttast að þessi breytta nálgun geri það að verkum að of langur tími líði á milli bólusetninga, ef svo færi að röskun verði á dreifingu bóluefnis til landsins. Eitthvað mikið þurfi að fara úrskeiðis til að þessi nálgun muni ekki heppnast. „Nú eru að koma í ljós að það er hægt að bíða með seinni bólusetninguna lengur heldur en að menn héldu í byrjun, þegar að við ákváðum það að halda eftir fimm þúsund skömmtum í bólusetningu tvö, þá var talað um það að seinni bólusetningin þyrfti að vera nítján til tuttugu og þremur eftir þá fyrri. Síðan þá hefur það breyst og eru nítján til fjörutíu og tveir dagar. Þannig að við höfum smá rými,“ segir Þórólfur. AstraZeneca ekki enn fengið markaðsleyfi í Evrópu Í dag greindust tveir með covid-19 innanlands en átta á landamærum. „Þetta eru ánægjulegar tölur með innanlandssmitin. Ég bendi á að við erum ennþá að greina nokkurn fjölda á landamærunum og þetta er náttúrlega fólk sem að gæti líka átt eftir að veikjast alvarlega, þannig að þetta gæti þýtt það að það valdi miklu álagi fyrir til dæmis heilbrigðisþjónustuna hér, spítalann og annað slíkt,“ segir Þórólfur. Fregnir bárust af því í vikunni að sennilega yrðu færri skammtar af bóluefni AstraZeneca afhendir innan Evrópusambandsins á næstu vikum en áætlanir gerðuráð fyrir. Þórólfur segir erfitt að segja til um á þessari stundu hvort eða með hvaða hætti það hefur áhrif á Ísland. „Ég held að það sé bara mjög erfitt að segja til um það. AstraZeneca er ekki búið að fá markaðsleyfi hér á Íslandi eða í Evrópu ennþá og við höfum ekki séð neina opinbera dreifingaráætlun frá þeim. Þeir þurfa fyrst að fá markaðsleyfi og síðan birt okkur sína dreifingaráætlun. Þannig að við sjáum bara þá hvað við fáum marga skammta,“ segir Þórólfur. Þá segir hann ekkert nýtt að frétta af viðræðum við Pfizer. „Við höfum verið í samskiptum og menn hafa verið að velta fyrir sér ýmsum hlutum. En það er ekki neitt sem er komið á neinn endapunkt,“ segir Þórólfur. Ekki heldur séu nein tíðindi af viðræðum við önnur fyrirtæki um mögulega þátttöku Íslensku þjóðarinnar í rannsóknum í tengslum við bólusetningu. „Þetta helgast mikið af því að það er mikill skortur á bóluefnum. Og þó að svona fyrirtæki haldi oft eftir skömmtum fyrir rannsóknir þá er líka ásókn í það, að gera svona rannsóknir. Þannig að þetta er ekki auðveld staða,“ útskýrir Þórólfur. Vægari aðgerðir hér en í nágrannalöndum Eins segir hann erfitt að segja til um það hvenær verði hægt að fara í frekari tilslakanir á aðgerðum innanlands. „Ég hef alltaf sagt það að það er ekki komin nema rúm vika frá því að síðasta reglugerð tók gildi og það tekur eina til tvær vikur í viðbót að sjá virkilega árangurinn af því. Og ég hef sagt það að við séum bara alltaf með þetta í endurmati. En eins og ég sé þetta núna, og hef gert þá þurfum við að fara varlega í sakirnar. Það er áhyggjuefni að það skuli færri vera að mæta í sýnatökur, við sáum það í vikunni, og það eru svona ákveðnar vísbendingar um það. Þannig ég vil hvetja eindregið alla sem eru með minnstu einkenni að mæta í sýnatöku. Það er í raun og veru forsenda fyrir því að við vitum hver staðan er í raun og veru hér innanlands,“ segir Þórólfur. Alltaf þurfi að vega og meta stöðuna, það hafi þó gengið vel og nú séu vægari aðgerðir til að mynda í gangi hér á landi en í helstu nágrannalöndum. „Ég held að við eigum bara að njóta þess og passa okkur sem mest á meðan við erum að reyna að ná útbreiddari bólusetningu.“ Fréttin hefur verið uppfærð.
Faraldur kórónuveiru (COVID-19) Bólusetningar Mest lesið Ökumaður bifhjólsins látinn Innlent Ógeðsleg aðkoma að íbúðinni eftir Airbnb-gesti Innlent Ísland leggur til fólk í finnskar herstöðvar Innlent Lögreglan lýsir eftir Arnari Hauki Innlent Alvarlegt mótorhjólaslys og Miklubraut lokað Innlent „Það er enginn svartur listi hjá okkur“ Innlent „Það er engin ástæða til að gefast upp“ Innlent „Nú verður að hafa hraðar hendur“ Innlent Óska eftir vitnum: Missti stjórn og hafnaði á vegriði Innlent Dettifoss vélarvana úti á ballarhafi Innlent Fleiri fréttir Mátti ekki lána sér pening úr eigin fyrirtæki Lögreglan lýsir eftir Arnari Hauki „Skýr vísbending um að gera þurfi betur í málefnum erlendra barna“ Sjúklingar óttist dómhörku vegna þyngdarstjórnunarlyfja „Það er engin ástæða til að gefast upp“ Reiðarslag fyrir Landsvirkjun, kjarnorkukafbátur og heimsfræg íslensk kisa „Í næstu umferð fara hlutirnir í gegn“ Tilkynnt um buxnalausan mann og stolinn pizzaofn „Það er enginn svartur listi hjá okkur“ Davíð hafi lagt Golíat Hlaup er hafið úr Mýrdalsjökli Ökumaður bifhjólsins látinn Dettifoss vélarvana úti á ballarhafi Flugvél snúið við vegna bilunar „Enn ein viðurkenning að það má brjóta á fötluðu fólki“ Ógeðsleg aðkoma að íbúðinni eftir Airbnb-gesti Óska eftir vitnum: Missti stjórn og hafnaði á vegriði Bíða niðurstaðna um magakveisuna á Laugarvatni Dómurinn vonbrigði en virkjunin ekki út úr myndinni Kona á fimmtugsaldri í haldi vegna hnífstunguárásar „Nú verður að hafa hraðar hendur“ Hvammsvirkjun í uppnámi og ókyrrð hjá Play Hæstiréttur hafnar Hvammsvirkjun Inga Sæland með galsa á þingi í nótt „Orðaskiftismetið tikið“ Bifhjólamaðurinn „mikið slasaður“ Alvarlegt mótorhjólaslys og Miklubraut lokað Ungt fólk notar frekar samfélagsmiðla en hefðbundna fréttamiðla Stór meirihluti þjóðarinnar hlynntur veiðigjaldafrumvarpinu „Þú ert mögulega búin að nota gagnaver 400 sinnum síðan í morgun“ Sjá meira