Snorri telur vinagreiða ráða við úthlutunum listamannalauna Jakob Bjarnar skrifar 12. janúar 2021 08:49 Snorri Ásmundsson myndlistarmaður hefur sent Lilju Alfreðsdóttur mennta- og menningarmálaráðherra bréf þar sem hann bendir ráðherra á að hafa vakandi auga með úthlutun úr launasjóði myndlistarmanna. Bréfið hefur einnig verið sent sem kvörtun til umboðsmanns Alþingis. Snorri telur einsýnt að vinagreiði og þar með spilling einkenni úthlutun úr sjóðnum. Nú nýverið var úthlutað úr launasjóði myndlistarmanna, 526 mánuðir voru til úthlutunar en sótt var um 4065 mánuði. Alls bárust 373 umsóknir í launasjóð myndlistarmanna. Starfslaun fá 83 myndlistarmenn, 50 konur og 33 karlar. Það liggur því fyrir að talsvert færri fá en ekki. Útluta til hvers annars „Í launasjóði myndlistarmanna í ár sátu Aldís Arnardóttir formaður, Unnar Örn Jónasson og Sigurður Árni Sigurðsson. Hversu miklar líkur eru á að þú fáir starfslaun listamanna þegar þú varst í starfslaunanefndinni árinu áður með formanni nefndarinnar og veittir hinum 2 núverandi nefndarmönnum í ár,“ spyr Snorri í bréfi sínu sem hann hefur nú þegar birt opinberlega, á Facebook-síðu sinni. Hann heldur áfram: Sindri fékk nú árs styrk frá úthlutunarnefndinni sem fékk styrk í fyrra þegar Sindri sat í nefndinni.Listaháskólinn „Sindri Leifsson sat í starfslaunanefndinni með Aldísi Arnardóttur árið 2020. Nú 2021 er Aldís formaður nefndarinnar og Sindra er veitt hæstu starfslaun í ár. Svo fengu Unnur Örn og Sigurður Árni sem nú eru í nefndinni með Aldísi 12 mánaða starfslaun þegar Sindri Leifsson var í nefndinni í fyrra.“ Að hver klóri annars bak Snorri telur blasa við að þarna sé um greiða gegn greiða að ræða; fólk að úthluta hvort öðru starfslaunum. Þetta er ekki í fyrsta skipti sem kemur upp erfitt mál í tengslum við listmannalaunin. Nokkurt uppnám varð þegar Vísir greindi frá því árið 2016 að allir í stjórn Rithöfundasambands Íslands, að frátöldum varamönnum og framkvæmdastjóra, hefðu fengið úthlutuð 12 mánaða listamannalaun en ákvörðunin um úthlutunina var í höndum þriggja manna nefndar sem stjórn Rithöfundarsambandsins valdi sjálf. Í kjörfarið, ef eftir að greint var frá þessu, var gripið til þess að endurskoða fyrirkomulagið, að stjórnin skipi nefnd sem skipi svo aðra nefnd sem úthlutar. En listamennirnir virðist vilja hafa um það að segja hvernig úthlutun er háttað. „Þessi vinnubrögð eru afar vafasöm, ófagleg og ólíðandi,“ segir Snorri um það dæmi sem hann hefur nú kvartað undan til umboðsmanns og ráðherra. „Nefndinni er auk þess ekki gert að rökstyðja afstöðu sína til umsóknanna og ýtir það en frekar undir vinagreiða og bitlinga. Ég óska eftir að menntamálaráðuneyti verði með augun opin svo spilling eigi sér ekki stað.“ Blendin viðbrögð Snorri segist hafa fengið blendin viðbrögð við þessu erindi sínu en þó hafi verið býsna lífleg umræða í Facebookgrúbbu Íslenskrar Samtímalistar auk þess sem hann hafi fengið nokkur símtöl. „Svona uppákomur koma upp með reglulegu millibili í þessu litla samfélagi listamanna á Íslandi sem er þó það stærsta í heimi miðað við höfðatölu. Því annar hvor maður á Íslandi virðist listamaður og öll erum við tengd. Ég hef ekki fengið viðbrögð frá neinum nafngreindum úr erindi mínu. En vinir Sindra og þeirra félaga hafa brugðist við með meðvirkum athugasemdum.“ Snorri segist hafa sótt um starfslaun sjálfur, það geri hann alltaf en vinur hans sem hefur setið í nokkrum nefndum og stjórnum hafi tjáð sér fyrir nokkrum árum að eftir að Snorri gerði verkið Framsóknarmaðurinn geti hann gleymt því að fá starfslaun næstu árin. Þeir sem rugga bátum fá ekkert úr sjóðunum „Það hljómar kannski langsótt, en þegar á öllu er á botninn hvolft er gott að hafa stjórnmálaflokkana góða hvað listamannalaun ræðir. Það hefur ræst hjá honum og ég hef ekki fengið listamannalaun síðan. En alla vega veit ég af eigin reynslu og þeirra sem hafa ruggað bátnum að líkur á starfslaunum eru hverfandi nema maður verði þægur.“ Snorri segist hafa stigið á margar tær í gegnum tíðina með gjörningum og uppákomum og þó hann sé vina margur eigi hann líka eldheita hatursmenn. „Líkurnar á listamannalaunum eru jú miklu meiri ef maður er þægur og fer eftir reglum. Svo enginn vill rugga þessum listamannalaunaumræðubáti því allir vilja fá sporslurnar úr listamannalaunasjóðnum. Svo fæstir þola þessa árlegu umræðu almennings um listamannalaun. En mér var ofboðið þegar ég sá tengingarnar í úthlutuninni í ár og ég hef engu að tapa og mér finnst málfrelsið mikilvægara en listamannalaun. Því ég fæ hvort eð er mín listamannalaun frá lífinu þar sem ég er listamaður lífsins,“ segir Snorri og glottir við tönn. Stjórnsýsla Menning Listamannalaun Myndlist Mest lesið Ákærður fyrir að nauðga barni frá því að það var tveggja ára Innlent „Hér er ekki ódýr orka í neinum alþjóðlegum samanburði“ Innlent Líkur á hellidembu, þrumum og eldingum suðvestantil Veður Árásarmaðurinn heltekinn af „hugmyndinni um að drepa börn“ Erlent „Kennarar eiga ekki að vera í einhverjum lögguhlutverki“ Innlent Falin myndavél á þingklósettinu og ósæmilegar myndir af börnum Erlent Læknir nýtti sér sjúkraskrár til að afla viðskiptavina Innlent Bílbruni í Hafnarfirði og á Lynghálsi Innlent Heitavatnslaust í öllum Grafarvogi Innlent Alþjóðlegir nemendur áhyggjufullir vegna tafa á afgreiðslu dvalarleyfa Innlent Fleiri fréttir Alþjóðlegir nemendur áhyggjufullir vegna tafa á afgreiðslu dvalarleyfa Bílbruni í Hafnarfirði og á Lynghálsi Heitavatnslaust í öllum Grafarvogi Ákærður fyrir að nauðga barni frá því að það var tveggja ára Til vandræða á bar og vopnaður hnífi „Hér er ekki ódýr orka í neinum alþjóðlegum samanburði“ „Kennarar eiga ekki að vera í einhverjum lögguhlutverki“ Læknir nýtti sér sjúkraskrár til að afla viðskiptavina Kjördæmapot og pólitískar sveiflur megi ekki ráða för Gunnfaxi ekki á safnið nema annar þristur fáist á sandinn Vona að áreiðanleiki verði meiri með fjölgun vagna og aukinni tíðni Rússum „drullusama“ um friðarumleitanir Ísland fýsilegur kostur fyrir rafmyntaþvott í augum glæpamanna Sprengjuregn, svikin loforð, og vel heppnuð hárígræðsla Greip í húna en var gripinn mígandi Ísjaki stærri en Hallgrímskirkja blasti við Eldur kviknaði út frá glerkúlu í gluggakistu Setti byssukúlu í póstkassa: „Næsta kemur ekki í umslagi“ Hljóðfæraleikarar skrifa undir nýjan kjarasamning Stefnir Hödd vegna ásökunar um nauðgun Rektor rýfur þögnina eftir mótmælin á Þjóðminjasafninu Lögreglan vill ná tali af þremur mönnum Ragna og Rögnvaldur ráðin aðstoðarrektorar Gefur ekkert upp um breytta forgangsröðun jarðgangna Vinstribeygja inn á Bústaðaveg gæti heyrt sögunni til „Augljóst að bæst hefur við íbúa“ Mögulega þúsundir glæpamanna nýtt þjónustuna: „Ísland er misnotað í svona málum“ Alþjóðlegt peningaþvætti á Íslandi, hitakosningar og í beinni frá EM Stytta þurfi sumarfrí barna um að lágmarki tvær vikur Sá blóðugan mann hlaupa út og árásarmanninn á eftir honum Sjá meira
Bréfið hefur einnig verið sent sem kvörtun til umboðsmanns Alþingis. Snorri telur einsýnt að vinagreiði og þar með spilling einkenni úthlutun úr sjóðnum. Nú nýverið var úthlutað úr launasjóði myndlistarmanna, 526 mánuðir voru til úthlutunar en sótt var um 4065 mánuði. Alls bárust 373 umsóknir í launasjóð myndlistarmanna. Starfslaun fá 83 myndlistarmenn, 50 konur og 33 karlar. Það liggur því fyrir að talsvert færri fá en ekki. Útluta til hvers annars „Í launasjóði myndlistarmanna í ár sátu Aldís Arnardóttir formaður, Unnar Örn Jónasson og Sigurður Árni Sigurðsson. Hversu miklar líkur eru á að þú fáir starfslaun listamanna þegar þú varst í starfslaunanefndinni árinu áður með formanni nefndarinnar og veittir hinum 2 núverandi nefndarmönnum í ár,“ spyr Snorri í bréfi sínu sem hann hefur nú þegar birt opinberlega, á Facebook-síðu sinni. Hann heldur áfram: Sindri fékk nú árs styrk frá úthlutunarnefndinni sem fékk styrk í fyrra þegar Sindri sat í nefndinni.Listaháskólinn „Sindri Leifsson sat í starfslaunanefndinni með Aldísi Arnardóttur árið 2020. Nú 2021 er Aldís formaður nefndarinnar og Sindra er veitt hæstu starfslaun í ár. Svo fengu Unnur Örn og Sigurður Árni sem nú eru í nefndinni með Aldísi 12 mánaða starfslaun þegar Sindri Leifsson var í nefndinni í fyrra.“ Að hver klóri annars bak Snorri telur blasa við að þarna sé um greiða gegn greiða að ræða; fólk að úthluta hvort öðru starfslaunum. Þetta er ekki í fyrsta skipti sem kemur upp erfitt mál í tengslum við listmannalaunin. Nokkurt uppnám varð þegar Vísir greindi frá því árið 2016 að allir í stjórn Rithöfundasambands Íslands, að frátöldum varamönnum og framkvæmdastjóra, hefðu fengið úthlutuð 12 mánaða listamannalaun en ákvörðunin um úthlutunina var í höndum þriggja manna nefndar sem stjórn Rithöfundarsambandsins valdi sjálf. Í kjörfarið, ef eftir að greint var frá þessu, var gripið til þess að endurskoða fyrirkomulagið, að stjórnin skipi nefnd sem skipi svo aðra nefnd sem úthlutar. En listamennirnir virðist vilja hafa um það að segja hvernig úthlutun er háttað. „Þessi vinnubrögð eru afar vafasöm, ófagleg og ólíðandi,“ segir Snorri um það dæmi sem hann hefur nú kvartað undan til umboðsmanns og ráðherra. „Nefndinni er auk þess ekki gert að rökstyðja afstöðu sína til umsóknanna og ýtir það en frekar undir vinagreiða og bitlinga. Ég óska eftir að menntamálaráðuneyti verði með augun opin svo spilling eigi sér ekki stað.“ Blendin viðbrögð Snorri segist hafa fengið blendin viðbrögð við þessu erindi sínu en þó hafi verið býsna lífleg umræða í Facebookgrúbbu Íslenskrar Samtímalistar auk þess sem hann hafi fengið nokkur símtöl. „Svona uppákomur koma upp með reglulegu millibili í þessu litla samfélagi listamanna á Íslandi sem er þó það stærsta í heimi miðað við höfðatölu. Því annar hvor maður á Íslandi virðist listamaður og öll erum við tengd. Ég hef ekki fengið viðbrögð frá neinum nafngreindum úr erindi mínu. En vinir Sindra og þeirra félaga hafa brugðist við með meðvirkum athugasemdum.“ Snorri segist hafa sótt um starfslaun sjálfur, það geri hann alltaf en vinur hans sem hefur setið í nokkrum nefndum og stjórnum hafi tjáð sér fyrir nokkrum árum að eftir að Snorri gerði verkið Framsóknarmaðurinn geti hann gleymt því að fá starfslaun næstu árin. Þeir sem rugga bátum fá ekkert úr sjóðunum „Það hljómar kannski langsótt, en þegar á öllu er á botninn hvolft er gott að hafa stjórnmálaflokkana góða hvað listamannalaun ræðir. Það hefur ræst hjá honum og ég hef ekki fengið listamannalaun síðan. En alla vega veit ég af eigin reynslu og þeirra sem hafa ruggað bátnum að líkur á starfslaunum eru hverfandi nema maður verði þægur.“ Snorri segist hafa stigið á margar tær í gegnum tíðina með gjörningum og uppákomum og þó hann sé vina margur eigi hann líka eldheita hatursmenn. „Líkurnar á listamannalaunum eru jú miklu meiri ef maður er þægur og fer eftir reglum. Svo enginn vill rugga þessum listamannalaunaumræðubáti því allir vilja fá sporslurnar úr listamannalaunasjóðnum. Svo fæstir þola þessa árlegu umræðu almennings um listamannalaun. En mér var ofboðið þegar ég sá tengingarnar í úthlutuninni í ár og ég hef engu að tapa og mér finnst málfrelsið mikilvægara en listamannalaun. Því ég fæ hvort eð er mín listamannalaun frá lífinu þar sem ég er listamaður lífsins,“ segir Snorri og glottir við tönn.
Stjórnsýsla Menning Listamannalaun Myndlist Mest lesið Ákærður fyrir að nauðga barni frá því að það var tveggja ára Innlent „Hér er ekki ódýr orka í neinum alþjóðlegum samanburði“ Innlent Líkur á hellidembu, þrumum og eldingum suðvestantil Veður Árásarmaðurinn heltekinn af „hugmyndinni um að drepa börn“ Erlent „Kennarar eiga ekki að vera í einhverjum lögguhlutverki“ Innlent Falin myndavél á þingklósettinu og ósæmilegar myndir af börnum Erlent Læknir nýtti sér sjúkraskrár til að afla viðskiptavina Innlent Bílbruni í Hafnarfirði og á Lynghálsi Innlent Heitavatnslaust í öllum Grafarvogi Innlent Alþjóðlegir nemendur áhyggjufullir vegna tafa á afgreiðslu dvalarleyfa Innlent Fleiri fréttir Alþjóðlegir nemendur áhyggjufullir vegna tafa á afgreiðslu dvalarleyfa Bílbruni í Hafnarfirði og á Lynghálsi Heitavatnslaust í öllum Grafarvogi Ákærður fyrir að nauðga barni frá því að það var tveggja ára Til vandræða á bar og vopnaður hnífi „Hér er ekki ódýr orka í neinum alþjóðlegum samanburði“ „Kennarar eiga ekki að vera í einhverjum lögguhlutverki“ Læknir nýtti sér sjúkraskrár til að afla viðskiptavina Kjördæmapot og pólitískar sveiflur megi ekki ráða för Gunnfaxi ekki á safnið nema annar þristur fáist á sandinn Vona að áreiðanleiki verði meiri með fjölgun vagna og aukinni tíðni Rússum „drullusama“ um friðarumleitanir Ísland fýsilegur kostur fyrir rafmyntaþvott í augum glæpamanna Sprengjuregn, svikin loforð, og vel heppnuð hárígræðsla Greip í húna en var gripinn mígandi Ísjaki stærri en Hallgrímskirkja blasti við Eldur kviknaði út frá glerkúlu í gluggakistu Setti byssukúlu í póstkassa: „Næsta kemur ekki í umslagi“ Hljóðfæraleikarar skrifa undir nýjan kjarasamning Stefnir Hödd vegna ásökunar um nauðgun Rektor rýfur þögnina eftir mótmælin á Þjóðminjasafninu Lögreglan vill ná tali af þremur mönnum Ragna og Rögnvaldur ráðin aðstoðarrektorar Gefur ekkert upp um breytta forgangsröðun jarðgangna Vinstribeygja inn á Bústaðaveg gæti heyrt sögunni til „Augljóst að bæst hefur við íbúa“ Mögulega þúsundir glæpamanna nýtt þjónustuna: „Ísland er misnotað í svona málum“ Alþjóðlegt peningaþvætti á Íslandi, hitakosningar og í beinni frá EM Stytta þurfi sumarfrí barna um að lágmarki tvær vikur Sá blóðugan mann hlaupa út og árásarmanninn á eftir honum Sjá meira