Æft með Gurrý - 2. þáttur

Eins og staðan er í dag eru margir fastir heima hjá sér og svo eru aðrir sem kjósa að vera ekki innan um aðra að æfa. Æft með Gurrý eru æfingamyndbönd sem flestallir ættu að geta gert, heima án þess að þurfa æfingabúnað. Myndböndin eru stutt, hnitmiðuð og þau virka. Þau ættu að duga fyrir langflesta.

Í dag er komið að tabata. Þá er æft í tuttugu sekúndur og hvílt í tíu. Gurrý sýnir fjórar æfingar sem reyna bæði á þol og styrk.

Þeir sem vilja meira krefjandi æfingu geta farið yfir myndbandið nokkrum sinnum. Á skjánum er niðurtalning svo þú getir fylgt Gurrý í æfingunum! Þátt tvö má horfa á í heild sinni í spilaranum hér að neðan.

Gurrý þjálfari setti því saman seríu af myndböndum þar sem farið er í æfingar sem henta vel heima fyrir, hvort sem það er í neyð eður ei. Myndböndin eru stutt og hnitmiðuð og eru byggð upp þannig að hægt er að endurtaka hvert um sig nokkrum sinnum til þess að ná góðri æfingu.

Þeir sem eru vanir æfingum þekkja þá vellíðan sem öll hreyfing framkallar. Brjótið upp daginn með hollri hreyfingu og styttið ykkur um leið stundir við uppbyggilega dægradvöl.

Fyrsta myndbandið birtist á Vísi í gær og má horfa á það í spilaranum hér fyrir neðan.