Manchester City vann 2-0 sigur á Newcastle United í ensku úrvalsdeildinni í kvöld. Sigurinn var síst of stór miðað við yfirburði Man City.
Ilkay Gundogan kom City yfir á 14. mínútu eftir sendingu Raheem Sterling. Fleiri urðu mörkin ekki í fyrri hálfleik en þegar tíu mínútur voru liðnar af síðari hálfleik bætti Ferran Torres við marki fyrir City og staðan orðin 2-0.
Reyndust það lokatölur leiksins en City átti alls sex skot á markið þó svo að liðið væri með boltann 76 prósent af leiknum. Var þetta tíundi leikur City í röð án taps og 13. skiptið sem þeir halda marki sínu hreinu á leiktíðinni.
13 Manchester City have kept their 13th clean sheet of the campaign, more than any other team within the top five European leagues this season. Pragmatism.
— OptaJoe (@OptaJoe) December 26, 2020
Sigurinn lyftir City upp í 6. sæti deildarinnar með 26 stig, stigi minna en nágrannar þeirra í United sem eru í 5. sæti.
