Bein útsending: Hádegisfréttir Bylgjunnar

Kona sem lagði Íbúðalánasjóð í Héraðsdómi Reykjavíkur í gær segist ekki hafa átt von á niðurstöðunni, en dómurinn er sagður marka tímamót og gæti kostað ríkissjóð á annan tug milljarða. 

Í hádegisfréttum Bylgjunnar, sem hlusta má í spilaranum hér að neðan, segir hún að dómurinn sé sigur fyrir lántakendur en býst þó við að málinu sé ekki lokið.

Þá verður rætt við umhverfisráðherra sem segir stuðning við hugmyndir sínar um miðhálendisþjóðgarð víðtækari en fréttir gefi til kynna. Hann hafnar því að ekkert samráð hafi verið við sveitarfélögin. 

Aðstoðaryfirlögregluþjónn hjá almannavörnum segir of snemmt að segja til um hvort hægt verði að fara í tilslakanir fyrir jól, en að tölur síðustu daga séu jákvæðar. 

Enn fremur segjum við frá því að ein milljón ánamaðka frá Austurríki verði fluttir inn til landsins á nýju ári en þeir verða nýttir í framleiðslu á áburði úr lífrænum úrgangi.

 Þetta og margt fleira í hádegisfréttum Bylgjunnar á slaginu 12.