Íslenski boltinn

Örvar í Kórinn

Ingvi Þór Sæmundsson skrifar
Örvar Eggertsson í leik með Víkingi R. gegn Víkingi Ó.
Örvar Eggertsson í leik með Víkingi R. gegn Víkingi Ó. vísir/vilhelm

Örvar Eggertsson hefur skrifað undir þriggja ára samning við HK. Hann kemur til liðsins frá Fjölni sem hann lék með í sumar.

Örvar er fyrsti leikmaðurinn sem HK fær eftir að síðasta tímabili lauk. Þar enduðu HK-ingar í 9. sæti Pepsi Max-deildarinnar, annað árið í röð.

Hinn 21 árs Örvar lék fimmtán leiki með Fjölni í Pepsi Max-deildinni síðasta sumar. Fjölnismenn enduðu í tólfta og neðsta sæti deildarinnar og féllu.

Örvar kom til Fjölnis frá Víkingi. Hann varð bikarmeistari með Víkingum í fyrra. Örvar hefur alls leikið 61 leik í deild og bikar hér á landi og skorað fjögur mörk.

Þess má geta að Örvar varð bikarmeistari í hástökki á síðasta ári. Hann stökk þá 2,01 metra. Örvar er af miklum frjálsíþróttaættum en foreldrar hans, Eggert Bogason og Ragnheiður Ólafsdóttir, voru bæði afreksfólk í frjálsum.

O rvar semur við HK O rvar Eggertsson hefur samið við HK til þriggja a ra. O rvar er 21 a rs að aldri og hefur...

Posted by HK Fótbolti on Friday, December 4, 2020
Pepsi Max-deild karla HK

Mest lesið


Fleiri fréttir

Sjá meira


×

Mest lesið