Forsvarsmenn Mars gæludýragrínmyndaverðlaunanna 2020, Mars Petcare Comedy Pet Photography Awards, hafa tilkynnt hvaða myndir munu keppa til úrslita í keppninni í ár. Gæludýraeigendur frá heiminum öllum hafa sent inn fjölda skondna mynda af gæludýrum sínum fyrir keppnina. Alls bárust rúmlega tvö þúsund myndir frá 81 landi.
Keppninni er ætlað að vekja athygli á heimilislausum gæludýrum í Bretlandi og safna peningum fyrir Bláa krossinn.
Þetta er í annað sinn sem keppnin er haldin og var hún stofnuð af þeim sömu og stofnuðu keppnina um fyndnustu dýralífsmyndir ársins, Comedy Wildlife Photography Awards.
Hér að neðan má sjá þær myndir sem hafa verið valdar til að keppa til úrslita í gæludýrakeppninni. Úrslitin verða svo tilkynnt í nóvember.






































