Mulningsvél KR komst í gang

Áttunda umferð Vodafonedeildarinnar í CS:GO fór fram í kvöld. Millileikur kvöldsins var viðureign stórveldanna KR og Fylkis. Lið Fylkis var á heimavelli og völdu þeir kortið Train.

KR mættu ferskir til leiks og tóku fyrstu lotuna á sannfærandi máta með flókinni fléttu. Strax í annari lotu tók Fylkir áhættu þegar þeir þvinguðu kaup en það margborgaði sig þegar þeir stálu vopnum og lotunni af KR.

Með stíganda eftir djarfa spilamennsku brýtur vörn Fylkis hverja sókn KR á fætur annarri. KR náði fyrst að tengja saman tvær lotur eftir að þeir tóku stutt leikhlé en lítið bit var á sóknunum. Leikmaður Fylkis Skipid (Tumi Geirsson) var í hlutverki akkeris á sprengjusvæði B. En hann spilaði mikilvægt hlutverk í að stoppa KR-ingana sem sækja gjarnan þangað. Þegar KR náði opnunarfellunum féllu loturnarnar með þeim en þökk sé þéttum varnarleik Fylkis voru þær lotur fáar.

Staðan í hálfleik var Fylkir 9 - 6 KR.

Seinni hálfleikur hófst og steig fram sterk vörn KR. Sóknarleikur Fylkis skall ítrekað á varnarveggnum. Flétturnar frá Fylki voru ekki sannfærandi og þegar þær náðu biti var það einstaklingsframtakið sem skilaði því. KR-ingar hinsvegar spiluðu glæsilega sem lið, ef þeir misstu mann þá svöruðu þeir og aðlöguðu vörnina.

Þrátt fyrir einhliða seinni hálfleik voru nokkrar hnífjafnar lotur sem hefðu KR-ingar ekki hrifsað þær til sín hefðu getað hleypt Fylki aftur inn í leikinn.

Lokastaðan Fylkir 9 - 16 KR

Critical maður leiksins var Midgard.