Tvö af spútnikliðum ensku úrvalsdeildarinnar mættust á Bramall Lane í Sheffield í kvöld. Fór það svo að Wolverhampton Wanderers hafði betur þökk sé tveimur mörkum í upphafi leiks, lokatölur 2-0.
Raúl Jiménez kom gestunum yfir strax á þriðju mínútu leiksins. Aðeins þremur mínútum síðar var Wolves komið 2-0 yfir þökk sé marki Roman Saïss. Rosaleg byrjun og dugði það Úlfunum til sigurs í kvöld.
Lærisveinar Chris Wilder komust aldrei í takt við leikinn og fór það svo að Wolves vann leikinn með tveimur mörkum gegn engu.
