Sveinn Aron lánaður til Danmerkur

Sveinn Aron Guðjohnsen hefur verið lánaður frá ítalska úrvalsdeildarfélaginu Spezia til Danmerkur.

Sveinn Aron verður á láni hjá OB út leiktíðina en hann var kynntur fyrir leik liðsins gegn FCK á heimavelli í dag.

Sveinn er ekki eini Íslendingurinn hjá OB því Aron Elís Þrándarson er einnig á mála hjá félaginu sem er með miklar væntingar.

Framherjinn á að styrkja lið OB en Sveinn spilaði fimmtán leiki í Seríu B á síðustu lektíð. Þar skoraði hann tvö mörk og lagði upp önnur þrjú.

OB leikur nú gegn FCK á heimavelli en Sveinn getur spilað sinn fyrsta leik fyrir félagið um næstu helgi.