Blikarnir hjálpuðu hvor öðrum fyrir æfinguna í morgun

Karlalandslið Íslands í fótbolta skipað leikmönnum 21 árs og yngri æfði á Víkingsvelli í morgun.

Strákarnir mæta Svíum í undankeppni EM í Víkinni á morgun. Leikurinn hefst klukkan 16:30 og verður sýndur beint á Stöð 2 Sport.

Sem kunnugt er samdi KSÍ við íþróttavöruframleiðandann Puma fyrr á þessu ári. Íslensku landsliðin æfa og keppa því nú í nýjum Puma-fatnaði.

Fyrir æfingu sáust menn brasa í æfingafatnaði næsta manns. Við fyrstu sýn er eins og þeir séu að rífa miðana af nýja fatnaðinum en þarna voru þeir að setja GPS-kubba á réttan stað og stilla þá. Eru þeir notaðir til að mæla hlaupatölur leikmanna.

Sjá má atvikið á mynd Vilhelms Gunnarssonar, ljósmyndara Vísis, hér fyrir ofan.

Hér fyrir neðan má svo sjá fleiri myndir sem Vilhelm tók á æfingu U-21 árs landsliðsins í morgun.

Fréttin hefur verið uppfærð.