Kristján Þór Júlíusson, sjávarútvegs- og landbúnaðarráðherra, boðar til opins fundar um Matvælasjóð í dag klukkan 9.
Í kjölfarið mun sjóðurinn byrja að taka við umsóknum og mun Gréta María Grétarsdóttir, formaður stjórnar sjóðsins, halda kynningu á fundinum.
Vegna fjöldatakmarkana er fundinum streymt og má fylgjast með útsendingunni í spilaranum neðst í fréttinni en eftirfarandi segir í tilkynningu stjórnarráðsins um Matvælasjóð:
„Hlutverk Matvælasjóðs er að styrkja þróun og nýsköpun við framleiðslu og vinnslu matvæla úr landbúnaðar- og sjávarafurðum.
Áhersla sjóðsins er á nýsköpun, sjálfbærni, verðmætasköpun og samkeppnishæfni íslenskrar matvælaframleiðslu um land allt. Markmið Matvælasjóðs er að ná til verkefna á öllum stigum, allt frá hugmyndum til markaðssetningar og hagnýtra rannsókna.“
