Íslenski boltinn

HK fær leikmann að láni frá FH

Sindri Sverrisson skrifar
Þórður Þorsteinn Þórðarson spilaði mikið fyrir FH í fyrrasumar, eftir komuna frá ÍA, en hefur sáralítið spilað í ár.
Þórður Þorsteinn Þórðarson spilaði mikið fyrir FH í fyrrasumar, eftir komuna frá ÍA, en hefur sáralítið spilað í ár. VÍSIR/VILHELM

Knattspyrnumaðurinn Þórður Þorsteinn Þórðarson er farinn að láni til HK frá FH og mun klára tímabilið með Kópavogsliðinu í Pepsi Max-deildinni.

Þórður, sem leikur jafnan sem bakvörður, hefur aðeins spilað einn deildarleik með FH í sumar. Þetta er annað sumarið í röð þar sem hann skiptir um lið á miðju tímabili en hann kom til FH frá ÍA í lok júlí í fyrra.

Þórður er með samning við FH sem gildir út þetta ár. Þessi 25 ára gamli leikmaður lék 9 deildarleiki með FH í fyrra en hann var fastamaður í liði ÍA stærstan hluta tímabilanna 2015-2018.

Þórður Þorsteinn á láni til HK. FH og HK hafa komist að samkomulagi um lán á Þórði Þorsteini Þórðarsyni út leiktíðina....

Posted by FHingar on Þriðjudagur, 25. ágúst 2020
HK FH Pepsi Max-deild karla Íslenski boltinn

Mest lesið


Fleiri fréttir

Sjá meira


×

Mest lesið