KA barði frá sér eftir skellinn gegn Víkingi

KA vann 2-0 sigur á grönnum sínum í Magna er liðin mætust í Boganum í kvöld. Leikurinn var liður í A-deild Lengjubikarsins en þar leika liðin í riðli tvö.

KA tapaði 6-0 fyrir Víkingi um síðustu helgi og voru það úrslit sem komu mörgum á óvart en liðið náði að koma sér aftur á sigurbraut í kvöld.

Sveinn Margeir Hauksson kom KA yfir á 36. mínútu og Brynjar Ingi Bjarnason skoraði annað mark þeirra gulklæddu stundarfjórðungi fyrir leikslok. Lokatölur 2-0.

KA er með sjö stig eftir fimm leiki en Magni er án stiga eftir fjóra leiki. Liðið er með markatöluna 1-20 eftir leikina fjóra.

Úrslit og markaskorarar eru fengnir frá úrslit.net.