HM í kraftlyftingum aflýst

Heimsmeistaramótinu í kraftlyftingum 2020 hefur verið frestað um eitt ár. Ákvörðun var tekin í dag. 

Mótið átti að fara fram í Stavanger í Noregi í nóvember. Íþróttamaður ársins 2019, Júlían J.K. Jóhannsson greinir frá þessu á Twitter-síðu sinni og tekur þá fram að aðeins eitt mót sé á dagskránni hjá honum þetta árið en það er Íslandsmeistaramótið í kraftlyftingum. Það mót á að fara fram þann 12. september. 

Júlían var talinn einn af þeim sigurstranglegri fyrir heimsmeistaramótið en hann vann bronsverðlaun á HM í fyrra.