Andstæðingar Víkings í sóttkví

Þrír leikmenn Olimpija Lju­blj­ana hafa greinst með kórónuveiruna. Liðið á að mæta Víkingi í forkeppni Evrópudeildarinnar 27. ágúst.

Leikmannahópur Olimpija Lju­blj­ana þarf að fara í sóttkví. Vegna þess hefur verið ákveðið að hefja leik í slóvensku úrvalsdeildinni 22. ágúst en ekki á morgun eins og áætlað var.

Óvíst er hvort þetta hefur einhver áhrif á leik Olimpija Lju­blj­ana og Víkings sem á að fara fram í slóvensku höfuðborginni fimmtudaginn 27. ágúst.

Víkingar hefja aftur leik í Pepsi Max-deild karla á sunnudaginn þegar þeir fá Blika í heimsókn.

Olimpija Lju­blj­ana endaði í 3. sæti slóvensku úrvalsdeildarinnar á síðasta tímabili.