Greenwood var 15 ára og sat á sófanum hjá for­eldrum sínum er United vann síðasta Evrópubikar

Mason Greenwood, framherji Manchester United, var fimmtán ára þegar félagið vann sinn síðasta Evrópubikar.

Það var tímabilið 2016/2017 er liðið var með Jose Mourinho við stjórnvölinn en síðan þá hefur Greenwood brotist inn í aðalliðið.

Hann hefur alls skorað sautján mörk á leiktíðinni og verið mikilvægur hlekkur í liði United en hann rifjaði upp síðasta Evrópubikar félagsins.

„Ég man eftir því. Þetta var góður leikur. Ég var heima að horfa á þetta með foreldrum mínum og við fögnuðum eðlilega þegar við unnum,“ sagði Greenwood.

„Að eiga möguleika á að spila í þessari keppni og vinna hana, þá er draumur að rætast.“

Hann segir að hafa séð leikmenn eins og Marcus Rashford koma í gegnum unglingastarf félagsins hafi hvatt hann til dáða.

„Þegar þú sérð aðra leikmenn gera þetta, þá hugsar þú í akademíunni: Af hverju ætti ég ekki að geta þetta,“ sagði framherjinn marksækni.

„Það er draumur allra í akademíunni að komast inn í aðalliðið og spila reglulega. Það er það besta sem þú getur gert hjá þessu félagi.“