Forsætisráðherra, umhverfis- og auðlindaráðherra, fjármálaráðherra og samgöngu- og sveitarstjórnarráðherra boða til blaðamannafundar í fjármálaráðuneytinu að Arnarhvoli klukkan 14:30 í dag til að kynna nýja útgáfu aðgerðaáætlunar í loftslagsmálum.
Fundinum verður streymt beint hér á Vísi. Þá verður einnig fylgst með honum í beinni textalýsingu.
Aðgerðaáætlun í loftslagsmálum til 2030 var gefin út í september 2018 og fram kom strax í upphafi að hún yrði uppfærð. Samkvæmt upplýsingum frá umhverfisráðuneytinu er margt nýtt að finna í nýju útgáfu áætlunarinnar sem kynnt verður í dag.
