Var veikur í fimmtán ár og það gat tekið korter að komast fram úr rúminu

„Ég er með handónýtt bak og farið í nokkrar brjósklosaðgerðir og endaði í spengingu og núna er ég með sex nagla og tvær járnplötur í bakinu. Hryggurinn var genginn saman og það þurfti að rífa hann í sundur og skrúfa hann saman,“ segir athafnarmaðurinn og bakarinn Jói Fel sem er nýjasti gestur í hlaðvarpi Snorra Björns og fer hann þar yfir lífið og allan ferilinn í athyglisverðu viðtali.

Jói Fel hefur glímt við það í mörg ár að vera mjög slæmur í baki og farið í þrjár brjósklosaðgerðir. Hann segist hafa verið það verkjaður að það tók hann tíu mínútur til korter að fara fram úr rúminu.

„Ef ég sat t.d. í lélegum stólum í leikhúsi þá þurfti ég stundum að sitja eftir og reyna að standa upp þegar allir voru farnir.“

Hér að neðan má horfa á viðtalið í heild sinni. Í þættinum ræðir Jói um barnæskuna, stofnun bakarísins, hvernig samfélagið hefur breyst síðustu áratugi og margt fleira.