Páll fékk stjörnuglýju í augu og steingleymdi tilmælum viðbragðsteymis þingsins Jakob Bjarnar skrifar 11. mars 2020 15:45 Páll Magnússon og Damon Albarn. Svo mjög þótti Páli til koma að hann steingleymdi öllum tilmælum frá viðbragðsteymi þingsins þar sem sérstaklega er farið fram á að þingmenn taki ekki á móti gestum vegna kórónuveirunnar. Fjölmörgum í Alþingishúsinu er misboðið vegna virðingarleysis sem þeim þykir Páll Magnússon þingmaður hafa sýnt tilmælum viðbragðsteymis Alþingishússins. Eins og Páll hefur sjálfur greint frá fékk hann skemmtilega heimsókn á þingið í dag. Poppstjarnan Damon Albarn ásamt þeim Ingvari Þórðarsyni kvikmyndaframleiðanda og Jóni Kristni Snæhólm stjórmálafræðingi, snæddu með Páli í þinghúsinu og skoðuðu sig um. „Maður fær - sem betur fer - allskonar skemmtilegt fólk í heimsókn til sín í þingið. Heimsfrægar rokkstjörnur eru þó frekar sjaldséðir gestir, en Damon Albarn kom til mín í hádeginu og reyndist áhugasamari og fróðari um Ísland en margir aðrir sem ég þekki,“ segir Páll á Facebooksíðu sinni og birtir af sér mynd með popparanum heimsþekkta og lætur fylgja feitan broskall. Og víst er að mörgum þykir mikið til koma ef marka má athugasemdir. Mörgum misboðið vegna heimsóknarinnar En, ekki er öllum jafn skemmt. Og reyndar fáum á Alþingi. Vísir hefur heyrt í þingmönnum sem er hreinlega misboðið vegna þessarar heimsóknar. „Og ég veit að það varð bæði þingfólk og ekki síður starfsfólk, sem þarf að borða hádegismatinn sinn við skrifborðið sem var verulega misboðið að horfa upp á þetta,“ segir Helga Vala Helgadóttir þingmaður í samtali við Vísi. Það sem þingmönnum þykir skjóta skökku við er ekki það að Páll hafi fengið heimsókn frá hinum þekka tónlistarmanni heldur brýtur þetta í bága við tilmæli viðbragðsteymis þingsins sem gefið hefur út sérstök fyrirmæli vegna kórónuveirunnar. Biðlað hefur verið sérstaklega til þingmanna að þeir fái ekki gesti í þinghúsið meðan reynt er að ná tökum á útbreiðslu veirunnar og er það svo að starfsfólk Alþingis fær ekki einu sinni að borða í matsalnum. Eins og sjá má á bréfi sem sent var vegna stöðu mála og sjá má hér neðar í heild sinni: Ragna Árnadóttir er skrifstofustjóri Alþingis en Steingrímur J. Sigfússon forseti þess. Ekki er vitað hvort þau láti þessa óvæntu heimsókn popparans til sín taka.visir/vilhelm Tilmæli viðbragðsteymisins Sæl öll, Viðbragðsteymi Alþingis fundar daglega og fer yfir þær aðgerðir sem gripið hefur verið til, hvernig þær reynast og hverra aðgerða sé þörf til viðbótar. Hér kemur yfirlit yfir það helsta: Samgöngur milli húsa og gestakomur Heimsóknir hópa í Alþingishús hafa verið lagðar niður í bili. Mælst hefur verið til þess að aðrar gestakomur í þinghúsið verði takmarkaðar eftir því sem kostur er. Áfram boða nefndir gesti á fundi en fjöldi gesta, sem mæta fyrir fund á sama tíma, takmarkaður. Þannig verði ekki boðaðir fulltrúar margra aðila á sama tíma og gestir beðnir um að senda ekki fleiri en tvo í einu á nefndarfund. Fundir í gegnum fjarfundabúnað (ýmist mynd- eða símafundur) verði nýttir eins og hægt er. Ekki verður tekið við heimsóknum í Skólaþing frá og með morgundeginum. Fundir Fundahöld starfsmanna verða í lágmarki og fjarfundabúnaður nýttur. Yfirstjórn skrifstofunnar og forstöðumenn munu til dæmis prófa að funda í gegnum Teams eftir hádegið. Þjónusta Markmiðið er að halda Alþingi starfhæfu og munu forstöðumenn kortleggja mönnun á einstökum starfseiningum og hvort ástæða sé til að grípa til aðgerða til að tryggja að hluti starfsmanna sé í smitskjóli. Vaktafyrirkomulagi hjá þingvörðum hefur verið breytt til að tryggja þjónustu og lágmarka smithættu. Mötuneytið Mötuneytið er áfram opið en allt gert til að tryggja hreinlæti og lágmarka smithættu. Frá og með morgundeginum verður skammtað í ílát. Starfsfólki verður skipt í minni hópa og hver hópur fer í mötuneytið samkvæmt tímaáætlun til að sækja bakkana og snæðir hver starfsmaður á sinni skrifstofu. Þingmenn hugi að því að sitja ekki of þétt í matsalnum. Það gildir þó í þessu eins og öðru, það er erfitt að koma með mjög nákvæmar leiðbeiningar, við sýnum skynsemi og tökum ábyrgð á okkar smitvörnum. Kær kveðja, Viðbragðsteymið (Ragna, Þorsteinn, Auður, Ólöf og Þorbjörg) Alþingi Wuhan-veiran Tónlist Stjörnulífið Mest lesið Rak í rogastans þegar hann las viðtalið við Bubba Innlent Ekki efni til að ákæra þá sem fötluð kona var látin hafa samræði við Innlent Aldrei séð annan eins hraðakstur eftir þrjátíu ár í lögreglunni Innlent Líkir tilætlunum Musk við lestarslys Erlent Grunaðir um að stinga mann í rassinn að tilefnislausu Innlent Fundin sek um að myrða ættingja með eitruðum sveppum Erlent Árbæingar áhyggjufullir vegna umdeildra framkvæmda Innlent Bandarískur kjarnorkukafbátur í heimsókn Innlent Fjarlægðu „óvelkominn aðila“ af öldrunarheimili Innlent Skjálfti upp á 3,4 í morgun á Suðurlandi Innlent Fleiri fréttir Rembihnútur á þinginu en örþrifaráð ekki til umræðu Ákvörðun saksóknara sendi undarleg skilaboð Þinglok ekki í augnsýn og háskólarnir undirfjármagnaðir Grunaðir um að stinga mann í rassinn að tilefnislausu Ný kort sýna hvernig almyrkvinn verður á Íslandi Bandarískur kjarnorkukafbátur í heimsókn Formenn þingflokka halda spilunum þétt að sér Skjálfti upp á 3,4 í morgun á Suðurlandi Ekki efni til að ákæra þá sem fötluð kona var látin hafa samræði við Hiti nær 22 stigum fyrir austan Fjarlægðu „óvelkominn aðila“ af öldrunarheimili Rak í rogastans þegar hann las viðtalið við Bubba Árbæingar áhyggjufullir vegna umdeildra framkvæmda Aldrei séð annan eins hraðakstur eftir þrjátíu ár í lögreglunni Metfjöldi á biðlista og mögulega þarf að vísa frá Einstök litasamsetning á Prinsi Greifa Bíll í ljósum logum á Skaganum Vatnslögn í sundur í Smáralind Aldrei fleiri börn á biðlista og útrás í Kína Á hundrað og þrjátíu á sextíu götu Gul viðvörun: Brýna fyrir fólki á húsbílum að vara sig á vindinum Boltaleikir bannaðir á skólalóðinni eftir klukkan tíu Leggja til 80 milljónum árlega í nýja líkbrennslu Hinn stungni á batavegi en stungumennirnir ófundnir Nítján ára ferðamaður fannst látinn Mikill áhugi á ræktun rabarbara með tilkomu Rabarbarafélags Íslands Málþófið endurspegli ráðaleysi minnihlutans gagnvart samstíga stjórn Vill meira frá ríkinu, annars gætu nemar þurft að borga meira Stutt í land í þinginu og spenna fyrir landsleik Yfirgangur hins opinbera, þrátefli á þinginu og fráleit þjóðaratkvæðagreiðsla Sjá meira
Fjölmörgum í Alþingishúsinu er misboðið vegna virðingarleysis sem þeim þykir Páll Magnússon þingmaður hafa sýnt tilmælum viðbragðsteymis Alþingishússins. Eins og Páll hefur sjálfur greint frá fékk hann skemmtilega heimsókn á þingið í dag. Poppstjarnan Damon Albarn ásamt þeim Ingvari Þórðarsyni kvikmyndaframleiðanda og Jóni Kristni Snæhólm stjórmálafræðingi, snæddu með Páli í þinghúsinu og skoðuðu sig um. „Maður fær - sem betur fer - allskonar skemmtilegt fólk í heimsókn til sín í þingið. Heimsfrægar rokkstjörnur eru þó frekar sjaldséðir gestir, en Damon Albarn kom til mín í hádeginu og reyndist áhugasamari og fróðari um Ísland en margir aðrir sem ég þekki,“ segir Páll á Facebooksíðu sinni og birtir af sér mynd með popparanum heimsþekkta og lætur fylgja feitan broskall. Og víst er að mörgum þykir mikið til koma ef marka má athugasemdir. Mörgum misboðið vegna heimsóknarinnar En, ekki er öllum jafn skemmt. Og reyndar fáum á Alþingi. Vísir hefur heyrt í þingmönnum sem er hreinlega misboðið vegna þessarar heimsóknar. „Og ég veit að það varð bæði þingfólk og ekki síður starfsfólk, sem þarf að borða hádegismatinn sinn við skrifborðið sem var verulega misboðið að horfa upp á þetta,“ segir Helga Vala Helgadóttir þingmaður í samtali við Vísi. Það sem þingmönnum þykir skjóta skökku við er ekki það að Páll hafi fengið heimsókn frá hinum þekka tónlistarmanni heldur brýtur þetta í bága við tilmæli viðbragðsteymis þingsins sem gefið hefur út sérstök fyrirmæli vegna kórónuveirunnar. Biðlað hefur verið sérstaklega til þingmanna að þeir fái ekki gesti í þinghúsið meðan reynt er að ná tökum á útbreiðslu veirunnar og er það svo að starfsfólk Alþingis fær ekki einu sinni að borða í matsalnum. Eins og sjá má á bréfi sem sent var vegna stöðu mála og sjá má hér neðar í heild sinni: Ragna Árnadóttir er skrifstofustjóri Alþingis en Steingrímur J. Sigfússon forseti þess. Ekki er vitað hvort þau láti þessa óvæntu heimsókn popparans til sín taka.visir/vilhelm Tilmæli viðbragðsteymisins Sæl öll, Viðbragðsteymi Alþingis fundar daglega og fer yfir þær aðgerðir sem gripið hefur verið til, hvernig þær reynast og hverra aðgerða sé þörf til viðbótar. Hér kemur yfirlit yfir það helsta: Samgöngur milli húsa og gestakomur Heimsóknir hópa í Alþingishús hafa verið lagðar niður í bili. Mælst hefur verið til þess að aðrar gestakomur í þinghúsið verði takmarkaðar eftir því sem kostur er. Áfram boða nefndir gesti á fundi en fjöldi gesta, sem mæta fyrir fund á sama tíma, takmarkaður. Þannig verði ekki boðaðir fulltrúar margra aðila á sama tíma og gestir beðnir um að senda ekki fleiri en tvo í einu á nefndarfund. Fundir í gegnum fjarfundabúnað (ýmist mynd- eða símafundur) verði nýttir eins og hægt er. Ekki verður tekið við heimsóknum í Skólaþing frá og með morgundeginum. Fundir Fundahöld starfsmanna verða í lágmarki og fjarfundabúnaður nýttur. Yfirstjórn skrifstofunnar og forstöðumenn munu til dæmis prófa að funda í gegnum Teams eftir hádegið. Þjónusta Markmiðið er að halda Alþingi starfhæfu og munu forstöðumenn kortleggja mönnun á einstökum starfseiningum og hvort ástæða sé til að grípa til aðgerða til að tryggja að hluti starfsmanna sé í smitskjóli. Vaktafyrirkomulagi hjá þingvörðum hefur verið breytt til að tryggja þjónustu og lágmarka smithættu. Mötuneytið Mötuneytið er áfram opið en allt gert til að tryggja hreinlæti og lágmarka smithættu. Frá og með morgundeginum verður skammtað í ílát. Starfsfólki verður skipt í minni hópa og hver hópur fer í mötuneytið samkvæmt tímaáætlun til að sækja bakkana og snæðir hver starfsmaður á sinni skrifstofu. Þingmenn hugi að því að sitja ekki of þétt í matsalnum. Það gildir þó í þessu eins og öðru, það er erfitt að koma með mjög nákvæmar leiðbeiningar, við sýnum skynsemi og tökum ábyrgð á okkar smitvörnum. Kær kveðja, Viðbragðsteymið (Ragna, Þorsteinn, Auður, Ólöf og Þorbjörg)
Alþingi Wuhan-veiran Tónlist Stjörnulífið Mest lesið Rak í rogastans þegar hann las viðtalið við Bubba Innlent Ekki efni til að ákæra þá sem fötluð kona var látin hafa samræði við Innlent Aldrei séð annan eins hraðakstur eftir þrjátíu ár í lögreglunni Innlent Líkir tilætlunum Musk við lestarslys Erlent Grunaðir um að stinga mann í rassinn að tilefnislausu Innlent Fundin sek um að myrða ættingja með eitruðum sveppum Erlent Árbæingar áhyggjufullir vegna umdeildra framkvæmda Innlent Bandarískur kjarnorkukafbátur í heimsókn Innlent Fjarlægðu „óvelkominn aðila“ af öldrunarheimili Innlent Skjálfti upp á 3,4 í morgun á Suðurlandi Innlent Fleiri fréttir Rembihnútur á þinginu en örþrifaráð ekki til umræðu Ákvörðun saksóknara sendi undarleg skilaboð Þinglok ekki í augnsýn og háskólarnir undirfjármagnaðir Grunaðir um að stinga mann í rassinn að tilefnislausu Ný kort sýna hvernig almyrkvinn verður á Íslandi Bandarískur kjarnorkukafbátur í heimsókn Formenn þingflokka halda spilunum þétt að sér Skjálfti upp á 3,4 í morgun á Suðurlandi Ekki efni til að ákæra þá sem fötluð kona var látin hafa samræði við Hiti nær 22 stigum fyrir austan Fjarlægðu „óvelkominn aðila“ af öldrunarheimili Rak í rogastans þegar hann las viðtalið við Bubba Árbæingar áhyggjufullir vegna umdeildra framkvæmda Aldrei séð annan eins hraðakstur eftir þrjátíu ár í lögreglunni Metfjöldi á biðlista og mögulega þarf að vísa frá Einstök litasamsetning á Prinsi Greifa Bíll í ljósum logum á Skaganum Vatnslögn í sundur í Smáralind Aldrei fleiri börn á biðlista og útrás í Kína Á hundrað og þrjátíu á sextíu götu Gul viðvörun: Brýna fyrir fólki á húsbílum að vara sig á vindinum Boltaleikir bannaðir á skólalóðinni eftir klukkan tíu Leggja til 80 milljónum árlega í nýja líkbrennslu Hinn stungni á batavegi en stungumennirnir ófundnir Nítján ára ferðamaður fannst látinn Mikill áhugi á ræktun rabarbara með tilkomu Rabarbarafélags Íslands Málþófið endurspegli ráðaleysi minnihlutans gagnvart samstíga stjórn Vill meira frá ríkinu, annars gætu nemar þurft að borga meira Stutt í land í þinginu og spenna fyrir landsleik Yfirgangur hins opinbera, þrátefli á þinginu og fráleit þjóðaratkvæðagreiðsla Sjá meira