Mismunandi týpur af föstu - Hvað hentar hverjum?

Það eru til margar leiðir að flá kött og hið sama gildir um föstur.

Tólf tímar í föstu

Tólf tíma fóðrunargluggi.

Sextán tímar án matar.

Átta tímar að úða í grímuna

Sautján tímar svangur

Sjö tímar í matarorgíu.

Sólarhringur af svengd einu sinni í mánuði.

Tveir dagar í þveng á tveggja mánaða fresti.

Þriggja daga þjáning á þriggja mánaða fresti

Fjölmargar rannsóknir sýna aukningu á vaxtarhormóni og IGF-1 þegar við föstum en það gegnir lykilhlutverki í að endurnýja og gera við frumur líkamans.

Í föstu verður sjálfsát (autophagy) en þá verður líkaminn eins og Pacman úr tölvuleiknum sáluga og étur gamlar og slappar frumur í orku. Þegar fóðrun kemur síðan í maskínuna er dúndrað inn nýjum og hressari frumum. Það má líkja því við að taka niður gömlu eldhúsinnréttinguna og setja síðan upp þessa nýju.

Það er mannskepnunni eðlislægt að fasta einhvern hluta sólarhringsins enda ráfuðu forfeður okkar oft um steppurnar í marga daga án ætis.

Föstur eru iðkaðar í langflestum trúarbrögðum

Kostir föstu eru fjölmargir:

Bætt ónæmiskerfi.

Aukin meðvitund um svengd og seddu.

Betri húð.

Betri svefn

Aukning í vaxtarhormónum

Jafnari blóðsykur

Betri þarmaflóra

Langlífi

Skýrari hugsun

Betra insúlínnæmi

En eins og með allt þá er auðvelt að misnota föstur og gera of mikið af þeim en þá fara þær að hafa öfug og slæm áhrif eins og að misþyrma hormónabúskapnum, hárlos, þurr húð og heilaþoka.

Flestir ráða við að fasta í tólf tíma og ætti það að vera normið hjá meðaljóninum til að gefa meltingarkerfinu frí og frið.

Svo má bæta við örfáum klukkutímum hér og þar yfir vikuna og fasta pínulítið lengur til að njóta alls þess góða sem föstur gera fyrir okkur.

Einu sinni til tvisvar í viku er gott að dúndra inn sólarhringsföstu og borða þá til dæmis ekkert frá kvöldmat til kvöldmatar daginn eftir.

Einu sinni til tvisvar í mánuði má síðan henda inn lengri föstum eins og 36 tímum.

Margra daga föstur eins og þriggja daga sleiktur á horrim ættu að vera með lengra millibili eins og á þriggja mánaða fresti.