Sara með afgerandi forystu fyrir síðustu greinina

Sara Sigmundsdóttir er með 51 stigs forskot fyrir á Dubai CrossFit Championship.

Sara er með 807 stig, 51 stigi meira en Karin Frey frá Slóvakíu.

Sara lenti í 2. sæti í níundu greininni. Fyrir það fékk hún 95 stig. 

Jamie Greene frá Nýja-Sjálandi hefur unnið báða greinar dagsins og er í 3. sæti.

Sara hefur unnið tvær greinar á mótinu, þrisvar sinnum endað í 2. sæti og tvisvar sinnum í því þriðja.

Eik Gylfadóttir er í 15. sæti með 553 stig. Hún lenti í 10. sæti í níundu greininni.

Fylgjast má með beinni útsendingu frá lokadegi mótsins með því að smella hér.