Saksóknari í Suður-Afríku lést í vikunni eftir að skot hljóp úr haglabyssu sem var sönnunargagn í sakamáli sem hún sótti.
Saksóknarinn, Addelaid Ferreira-Watt, sótti mál gegn mönnum sem meðal annars voru sakaðir um að hafa stolið haglabyssu. Verið var að skrá byssuna sem sönnunargagn í dómsal er skot hljóp úr byssunni.
Hæfði það mjöðm Ferreira-Watt sem flutt var með hraði á sjúkrahús, þar sem hún lést af sárum sínum.
Lögregla rannsakar nú hvernig staðið hafi á því að byssan hafi verið hlaðin og hvort ferlum hafi verið fylgt við skráningu byssunnar sem sönnunargagns.
Voðaskot úr sönnunargagni varð saksóknara að bana í dómsal
Tryggvi Páll Tryggvason skrifar

Mest lesið


Wow fékk bestu þjónustu Airbus eftir að Icelandair valdi Boeing
Viðskipti innlent






„Þetta verður ekki auðvelt“
Erlent

