Lyngonia er einstök lausn án sýklalyfja

Nóvember er tileinkaður baráttunni gegn sýklalyfjaónæmi. Florealis býður upp á jurtalyfið Lyngonia. Lyfið er eina viðurkennda meðferðin á Íslandi við endurteknum þvagfærasýkingum hjá konum sem ekki er hefðbundið sýklalyf og er það mikilvægur valkostur í baráttunni við sýklalyfjaónæmi. Ólíkt hefðbundnum lyfjum innihalda jurtalyf á borð við Lyngonia virk efni unnin beint úr plöntum og hafa að geyma flókin efnasambönd. Það gerir bakteríum erfitt að mynda ónæmi.

Alþjóðaheilbrigðismálastofnunin hefur lýst yfir að vaxandi sýklalyfjaónæmi í heiminum sé ein stærsta ógn við heilbrigði sem mannkynið stendur frammi fyrir. Nauðsynlegt er að draga úr óþarfa notkun sýklalyfja eins og hægt er, til dæmis með því að meðhöndla vægar sýkingar áður en þær komast á það stig að sýklalyfja gerist þörf.

,,Okkur er mjög umhugað um þetta málefni og það er ein ástæða þess að við ákváðum að setja jurtalyfið Lyngonia á markað. Til að geta dregið úr notkun sýklalyfja þurfa aðrar öruggar leiðir að vera í boði,” segir Sandra Mjöll, vörustjóri hjá Florealis og doktor í líf- og læknavísindum.  ,,Þvagfærasýkingar eru mjög algengar hjá konum. Margar fá slíkar sýkingar endurtekið. Þetta veldur því að hluti kvenna þarf ítrekað að taka sýklalyf til að draga úr einkennum. Það eykur verulega  líkur á því að sýklalyfjaónæmi þróist og þá hætta lyfin að virka,” heldur Sandra áfram.  

Einstök lausn án sýklalyfja

Lyngonia er jurtalyf sem unnið er úr stöðluðum útdrætti úr sortulyngi. ,,Lyngonia inniheldur efnið arbútín sem er skilið út í þvagi í háum styrk og virkar staðbundið á sýkingar í þvagrásinni. Lyngonia hefur því ekki áhrif á bakteríuflóruna í meltingarvegi eða annars staðar í líkamanum eins og er algengt með hefðbundin sýklalyf” segir Sandra.

Lyngonia er ætlað konum sem fá endurteknar þvagfærasýkingar þegar búið að útiloka alvarlega kvilla af lækni. Lyfið vinnur gegn sýkingunni og einkennum hennar t.d. bruna við þvaglát og ítrekaðri þvagþörf. Lyfið fæst án lyfseðils í öllum apótekum og best er að byrja að taka það um leið og einkenna verður vart. ,,Lyngonia er virk meðferð við þvagfærasýkingu og á ekki að taka sem fyrirbyggjandi meðferð. Lyfið byrjar að virka strax og ættu einkenni að hverfa á fjórum dögum. Þetta er frábær kostur fyrir þær konur sem eru endurtekið með slíkar sýkingar og þær geta jafnvel komist hjá notkun sýklalyfja ef Lyngonia er notað rétt,” segir Sandra að lokum.

Lyngonia fæst án lyfseðils í öllum apótekum. Lyngonia er skráð sem jurtalyf sem hefð er fyrir og ætlað konum eldri en 18 ára. Notkun er 2 töflur 2-4 sinnum á dag og ekki skal nota lyfið lengur en viku. Ef einkenni eru viðvarandi í meira en 4 daga eða versna við notkun skal hafa samband við lækni. Ekki á að nota Lyngonia ef truflun er á nýrnastarfsemi. Lesið vandlega upplýsingar á umbúðum og fylgiseðil fyrir notkun lyfsins. Leitið til læknis eða lyfjafræðings sé þörf á frekari upplýsingum um áhættu og aukaverkanir. Sjá nánari upplýsingar um lyfið á www.serlyfjaskra.is



Þessi kynning er unnin í samstarfi við Florealis.