Kröfu Erlu Bolladóttur um bætur vegna Guðmundar- og Geirfinnsmálsins var hafnað af ríkislögmanni fyrir hönd ríkisins. Erla var eini sakborningurinn í málinu sem var synjað um að endurupptöku á dómnum sem hún hlaut.
Mbl.is segir að Erla hafi fengið bréf frá settum ríkislögmanni þessa efnis í gær. Réttarstaða Erlu hafi ekki breyst og þá telji ríkislögmaður að kröfur vegna meintrar ólögmætrar frelsisskerðingar séu fyrndar.
Lögmaður Erlu er sagður hafa birt ríkislögmanni stefnu í gær þar sem krafist var að úrskurður endurupptökunefndar á beiðni hennar um að endurupptöku yrði ógiltur.
Erla var dæmd fyrir meinsæri í Guðmundar- og Geirfinnsmálinu og var látin sæta einangrunarvist vegna rannsóknar þess.
Ríkið sagt hafa hafnað kröfu Erlu Bolladóttur
Tengdar fréttir
Katrín segist til í að hitta Klúbbmenn
Þá hafi þeir þegar fengið bætur og afsökunarbeiðni.
Misbauð beiðni Erlu Bolladóttur um bætur og hittust í fyrsta skipti í 43 ár
Þrír menn sem sátu saklausir í gæsluvarðhaldi í 105 daga árið 1976 grunaðir um að hafa orðið Geirfinni Einarssyni að bana telja alls ekki réttlætanlegt að greiða Erlu Bolladóttur bætur vegna dóms sem hún hlaut fyrir rangar sakargiftir.
