Hollywood logar vegna tölvugerðs James Dean

Framleiðendur myndarinnar Finding Jack hafa fengið leyfi aðstandenda til að notast við tölvugerða útgáfu af leikaranum James Dean sem lést 24 ára að aldri árið 1955.

Framleiðslufyrirtækið Magic City Films fékk leyfi aðstandenda leikarans en Hollywood-stjörnur hafa lýst yfir andúð sinni á uppátækinu.

„Þetta er hræðilegt. Skilningsleysið er skammarlegt,“ sagði leikarann Chris Evans á Twitter en hann er hvað þekktastur fyrir að leika Captain America í Avengers-myndunum.

„Ég er viss um að hann yrði himinlifandi með þetta,“ skrifaði leikarinn kaldhæðnislega um þessi tíðindi. „Kannski fáum við tölvu til að teikna nýtt Picasso-verk. Eða til að semja nokkur ný John Lennon-lög.“

I'm sure he'd be thrilled

This is awful.

Maybe we can get a computer to paint us a new Picasso. Or write a couple new John Lennon tunes.

The complete lack of understanding here is shameful. https://t.co/hkwXyTR4pu

— Chris Evans (@ChrisEvans) November 6, 2019

Elijah Wood, sem lék Fróða í Hringadróttinsþríleiknum, skrifaði einfaldlega „Neibb, þetta ætti ekki vera inni í myndinni“ þegar hann tjáði sig um tíðindin á samfélagsmiðlum.

NOPE. this shouldn't be a thing. https://t.co/RH7jWY5cAG

— Elijah Wood (@elijahwood) November 6, 2019

James Dean er hvað þekktastur fyrir leik sinn í myndunum Rebel Without a Cause og Giant.

Finding Jack er hasarmynd sem segir sögu bandarísks hermanns sem hjúkrar Labrador-hundi í Víetnam-stríðinu.

Verður James Dean „endurskapaður“ með hjálp gamals myndefnis og þá verður andlit hans teiknað inn á staðgengil með aðstoð tölvutækninnar.

Er um aukahlutverk að læra þar sem Dean „leikur“ hermann sem er bjargað af fyrrnefndum Labrador-hundi.

„Við leituðum lengi að hinum fullkomna leikara til að leika Rogan. Eftir mánaðaleit ákváðum við að nota James Dean,“ segir framleiðandi myndarinnar Anton Ernst.

Þetta er ekki fyrsta dæmið um að látnir leikarar séu „endurgerðir“ með hjálp tölvutækninnar.

Þannig var ásýnd Audrey Hepburn notuð í auglýsingu árið 2013. Andlit leikarans Peter Cushing var teiknað á leikara fyrir Stjörnustríðsmyndina Rogue One frá árinu 2016.

Í sömu mynd var notast við tölvutækni til að yngja leikkonan Carrie Fisher svo hún liti svipað út og hún gerði í Stjörnustríðsmyndinni A New Hope sem kom út árið 1977.

Þetta hefur einnig verið gert í tilfellum leikaranna Oliver Reed og Paul Walker sem létust áður en gerð myndar var lokið.

Þá er einnig algengt í dag að leikarar séu „yngdir“ með hjálp tölvutækninnar. Hefur þetta verið gert ansi oft í ofurhetjumyndunum frá Marvel en nýjasta dæmið er án ef Martin Scorsese-myndin The Irishman þar sem Robert De Niro, Al Pacino og Joe Pesci eru allir látnir leika sér mun yngri menn.