Solskjær ánægður með frammistöðuna

Ole Gunnar Solskjær var ánægður með frammistöðu Manchester United í markalausa jafnteflinu við AZ Alkmaar í Evrópudeildinni í gærkvöld.

United náði ekki einu skoti á markið og voru ekki sannfærandi.

Norski knattspyrnustjórinn sá hins vegar bjartar hliðar á frammistöðu sinna manna.

„Ég er mjög ánægður með strákana,“ sagði Solskjær. „Þetta hefðu átt að vera þrjú stig.“

United vildi fá vítaspyrnu seint í leiknum en fékk ekki.

„Það er ekki einu sinni hægt að ræða þetta. Ég trúði ekki mínum eigin augum.“