Hannes Þór Hall­dórs­son besti mark­vörður Pepsi Max-deildarinnar í sumar að mati InStat

Hannes Þór Halldórsson var best markvörðurinn í Pepsi Max-deild karla er litið er á tölfræði frá tölfræðiveitunni InStat.

InStat er tölfræðiveita sem gerir skýrslu eftir hvern einasta leik í Pepsi Max-deildunum og eftir leiktíðina tóku þeir saman heildartölfræði Pepsi Max-deildarinnar.

Hannes varði næst flest skotin í sumar en einungis Haraldur Björnsson varði fleiri skot en íslenski landsliðsmarkvörðurinn. Hannes varði 86 en Haraldur 89.

Þegar öll tölfræðin er tekin saman; vörð skot, ofurvörslur, sendingar heppnaðar, brot, gul og rauð spjöld og margt, margt fleira endar tölfræðin að Hannes er á toppi deildarinnar yfir markverði.

Hann endar með InStat einkunn upp á 229 í sumar en í öðru sætinu er Daði Freyr Arnarsson, markvörður FH, með einkunn upp á 224.

Aron Dagur Birnuson er í þriðja til fjórða sætinu með 223, jafn Haraldi Björnssyni.

Bestu markverðir Pepsi Max-deildarinnar að mati InStat:

1. Hannes Þór Halldórsson, Valur - 229 stig

2. Daði Freyr Arnarsson, FH - 224 stig

3. Aron Dagur Birnuson, KA - 223 stig

4. Haraldur Björnsson, Stjarnan - 223 stig

5. Gunnleifur Gunnleifsson, Breiðablik - 218 stig