Þrír látnir og einn alvarlega særður eftir skotárás í Hollandi

Minnst þrír eru látnir og einn alvarlega særður eftir skotárás í hollensku borginni Dordrecht, samkvæmt upplýsingum frá hollensku lögreglunni. AP fréttaveitan greinir frá þessu.

Skotárásin er sögð hafa átt sér stað í íbúðarhverfi. Lögreglan í nágrannaborginni Rotterdam greindi frá því á samskiptamiðlinum Twitter að árásin hafi átt sér stað sunnarlega í borginni.

Í samtali við AP fréttaveituna sagði Wim Hoonhout, talsmaður lögreglu, að atvikið tengdist líklega fjölskylduerjum. Lögreglan rannsakar atvikið en frekari upplýsingar voru ekki veittar fjölmiðlum að svo stöddu.