Liverpool aftur í riðli með Napoli í Meistaradeildinni

Evrópumeistarar Liverpool lentu í riðli með Napoli, Red Bull Salzburg og Genk í Meistaradeild Evrópu. Dregið var í Mónakó í dag.

Liverpool var einnig með Napoli í riðli á síðasta tímabili. Liverpool vann Napoli í lokaumferð riðlakeppninnar og tryggði sér sæti í 16-liða úrslitum.

F-riðilinn er gríðarlega sterkur með Barcelona, Borussia Dortmund, Inter og Slavia Prag.

Tottenham, silfurliðið frá síðasta tímabili, er með Bayern München, Olympiacos og Rauðu stjörnunni.

Evrópudeildarmeistarar Chelsea lentu í riðli með Ajax, spútnikliði Meistaradeildarinnar á síðasta tímabili, Valencia og Lille.

Manchester City var nokkuð heppið með riðil. Englandsmeistararnir eru í riðli með Shakhtar Donetsk, Dinamo Zagreb og Atalanta.

Riðlarnir í Meistaradeildinni 2019-20:

A-riðill

PSG

Real Madrid

Club Brugge

Galatasary

B-riðill

Bayern München

Tottenham

Olympiacos

Rauða stjarnan

C-riðill

Man City

Shakhtar Donetsk

Dinamo Zagreb

Atalanta

D-riðill

Juventus

Atlético Madrid

Bayer Leverkusen

Lokomotiv Moskva

E-riðill

Liverpool

Napoli

Salzburg

Genk

F-riðill

Barcelona

Dortmund

Inter

Slavia Prag

G-riðill

Zenit

Benfica

Lyon

RB Leipzig

H-riðill

Chelsea

Ajax

Valencia

Lille