Snorrabraut lokuð umferð næstu daga

Snorrabraut milli Flókagötu og Bergþórugötu verður lokuð fyrir umferð þann 1. og 2. ágúst, á morgun og á föstudag.

Samkvæmt upplýsingum frá Reykjavíkurborg verður grafið í gangstétt og að hluta í akbraut vegna vinnu við hitaveitu, rafmagn, ljósleiðara og götulýsingu. 

Strætó og almennri umferð er vísað um hjáleiðir meðan lokun varir, eins og sjá má á kortinu hér að neðan. Umferð suður Snorrabraut er beint á hjáleiðir um Bergþórugötu, Barónstíg og Egilsgötu. Umferð norður Snorrabraut mun hins vegar fara hjáleið um Flókagötu, Rauðarárstíg og Grettisgötu.

Kort af lokunum og hjáleiðum má sjá hér að neðan.