Sjáðu frábært mark Kolbeins og mörkin úr jafnteflinu fyrir norðan

Tveimur leikjum er nú þegar lokið í Pepsi Max-deild karla í dag. Fylkir vann öruggan sigur á lánlausu liði ÍBV og KA og ÍA gerðu jafntefli fyrir norðan.

ÍBV er áfram fast við botninn eftir 3-0 tap í Árbænum. Kolbeinn Birgir Finnsson, Ásgeir Eyþórsson og Geoffrey Castillion skoruðu mörk Fylkis sem má sjá neðar í fréttinni.

KA komst upp úr fallsæti með 1-1 jafntefli gegn ÍA á heimavelli. Viktor Jónsson kom Skagamönnum yfir en Almarr Ormarsson jafnaði metin með laglegu marki í síðari hálfleik.

Mörkin úr þeim leik má sjá í sjónvarpsglugganum hér að ofan en Pepsi Max-mörkin verða á dagskrá klukkan 21.15 annað kvöld. Leikur HK og FH verður einnig í beinni en flautað verður til leiks klukkan 19.15.